‘The Kashmir Files’ सूसाट...! 11 व्या दिवशी कमावला केला इतक्या कोटींचा गल्ला

The Kashmir Files Box Office Collection : ‘द काश्मीर फाईल्स’कडे आता उरले केवळ चार दिवस, कारण शुक्रवारी येतोय राजमौलींचा ‘आरआरआर’

The Kashmir Files Box Office Collection :   ‘द काश्मीर फाईल्स’ या सिनेमानं बॉक्स ऑफिसवर अक्षरश: धुमाकूळ घातला आहे. दुसऱ्या आठवड्यातही हा सिनेमा जबरदस्त कमाई करतोय. मोठ मोठ्या सिनेमांचा रेकॉर्ड मोडीत काढत, विवेक अग्निहोत्रींच्या या सिनेमानं नवा इतिहास रचला आहे. अक्षय कुमारचा ‘सूर्यवंशी’, रणवीर सिंगचा ‘83’,हाूलिवूडचा ‘स्पायडरमॅन’ अशा सगळ्या सिनेमांना ओव्हरटेक करत ‘द काश्मीर फाईल्स’ सूसाट पळतोय.

ट्रेड अ‍ॅनालिस्ट तरण आदर्श यांनी ‘द काश्मीर फाईल्स’च्या कमाईचे ताजे आकडे शेअर केले आहेत. दुसऱ्या आठवड्यात गेल्या शुक्रवारी या सिनेमाने 19.15 कोटींचा बिझनेस केला. शनिवारी 24.80 कोटींचा गल्ला जमवला. रविवारी 26.20 कोटी आणि सोमवारी 12.40 कोटींची कमाई केली. याचसोबत आत्तापर्यंत या चित्रपटाने एकूण 179.85 कोटींचा बिझनेस केला आहे. 

#TheKashmirFiles is SENSATIONAL... *Week 2* trending is THE HIGHEST in *post pandemic era*, OVERTAKES #Sooryavanshi, #83TheFilm and #Hollywood giant #SpiderMan BY A RECORD MARGIN... [Week 2] Fri 19.15 cr, Sat 24.80 cr, Sun 26.20 cr, Mon 12.40 cr. Total: ₹ 179.85 cr. #India biz. pic.twitter.com/acRcpbP7XA

— taran adarsh (@taran_adarsh) March 22, 2022

‘बच्चन पांडे’ फेल!
दुसऱ्या आठवड्यात अक्षय कुमारच्या ‘बच्चन पांडे’ या चित्रपटासोबत ‘द काश्मीर फाईल्स’ सामना झाला. मात्र ‘द काश्मीर फाईल्स’ने ‘बच्चन पांडे’ला सुद्धा मागे टाकलं. ‘द काश्मीर फाईल्स’पुढे टिकाव न लागल्याने ‘बच्चन पांडे’ या चित्रपटाने तीन दिवसांत केवळ 37.75 कोटींचा बझनेस केला.

#BachchhanPaandey remains low over the weekend, mainly due to #TKF juggernaut that eclipsed the biz of *all* films... Did not witness growth on Day 3... Fri 13.25 cr, Sat 12 cr, Sun 12 cr. Total: ₹ 37.25 cr. #India biz. pic.twitter.com/XOQIs0CVtq

— taran adarsh (@taran_adarsh) March 21, 2022

शुक्रवारी होणार ‘आरआरआर’शी सामना
‘द काश्मीर फाईल्स’ गुरूवारपर्यंत ‘बाहुबली 2’च्या हिंदी व्हर्जनच्या कमाईचा रेकॉर्ड मोडीत काढेल, अशीही शक्यता आहे. पण शुक्रवारी ‘द काश्मीर फाईल्स’ला जोरदार झटका लागू शकतो. होय, येत्या शुक्रवारी एस. एस. राजमौलींचा ‘आरआरआर’ हा सिनेमा प्रदर्शित होतोय. ‘आरआरआर’ची प्रचंड क्रेझ आहे. रामचरण आणि ज्युनिअर एनटीआर या साऊथ स्टार्ससोबत आलिया भट व अजय देवगणसारखे बॉलिवूडचे दोन सुपरस्टार चित्रपटात आहेत. प्रेक्षक आतुरतेने या चित्रपटाची प्रतीक्षा करत आहेत. अशात या चित्रपटासमोर ‘द काश्मीर फाईल्स’चा बॉक्स ऑफिसवर किती निभाव लागतो, ते पाहणं इंटरेस्टिंग असणार आहे.