​‘ये स्टार्स भी कुछ कम नहीं...’!

ong>बॉलिवूड स्टार्स किड्स हे कायम  लोकांच्या आकर्षणाचे केंद्र राहिले आहे. सध्याही अनेक स्टार किड्सच्या बॉलिवूड डेब्यूकडे आपले लक्ष लागले आहे. श्रीदेवीची लाडकी लेक जान्हवी, किंगखान शाहरूख खानचा मोठा मुलगा आर्यन आणि मुलगी सुहानी, सैफ अली खान व अमृता सिंह यांची मुलगी सारा अली खान तसेच अमिताभ यांची नात नव्या नवेली यांच्या बॉलिवूड डेब्यूकडे सगळे डोळे लावून बसले आहेत. पण यापेक्षाही संपूर्ण जगाचे लक्ष वेधून घेणारे बॉलिवूडचे काही  तान्हुले, लहानगे स्टार्सही आहेत. याच लहानशा स्टार्सची ओळख आम्ही तुम्हाला करून देणार आहोत. होय, करिना कपूर खान आणि सैफ अली खान यांचा लाडका तैमूर, शाहिद कपूर आणि मीरा राजपूत यांची लाडकी मिशा, किंगखानचा गोंडस अबराम तसेच सलमान खानचा जीव की प्राण त्याचा लाडका भाचा आहिल अशी ही यादी आहे. हे सर्वच आज ‘स्टार्स’ आहेत. त्यांची एक छबी पाहायला लोक आतूर असतात. त्यांच्याबद्दलची प्रत्येक बातमी मीडियात हेडलाईन होते, ते त्याचमुळे.

छोटा नवाब तैमूर अली खान



पतौडी घराण्याचा नबाव सैफ अली खान आणि त्याची बेगम करिना कपूर खान यांचा लाडका तैमूर अली खान उणापुरा दोन महिन्यांचा. पण या दोन महिन्यांतील त्याची लोकप्रीयता अचंबित करणारी आहे. कालच करिनाने तैमूरचा लेटेस्ट फोटो सोशल मीडियावर शेअर केला. यातील तैमूरचे करड्या रंगाचे डोळे, त्याचे भूरे सोनेरी केस शिवाय त्याच्या चेहºयावरील तेज सगळेच ‘काबिले तारिफ’आहे. मम्मा करिना आणि डॅडी सैफ यांच्याप्रमाणेच तैमूरच्या  चाहत्यांचीही संख्या भराभर वाढणार, हे त्यामुळेच नव्याने सांगण्याची गरज नाही.

‘क्यूटी’ मीशा



शाहिद कपूर आणि मीरा राजपूत यांच्या पोटी आलेली मीशा म्हणजे जणू एक सुंदर तान्हुली परीच. २६ आॅगस्ट २०१६ रोजी जन्मलेली मीशा अद्याप वर्षाचीही व्हायची आहे. पण  तिची एक झलक पाहण्यासाठी लोक आतूर असतात. अगदी अलीकडे शाहिदने मीशाचा एक सुंदर फोटो सोशल मीडियावर शेअर केला. तो पाहून कुणीही तिच्या प्रेमात पडल्याशिवाय राहणार नाही.

‘ज्युनिअर रितेश’ राहिल



अभिनेता रितेश देशमुख आणि अभिनेत्री जेनेलिया डिसुजा या दोघांना दोन मुले.  पहिला मुलगा रिआन याच्या त्यापाठोपाठ १ जून २०१६ रोजी रितेशला दुसरा मुलगा झाला. राहिल असे त्याचे नाव. रितेशने काही महिन्यांपूर्वी राहिलचा एक फोटो सोशल मीडियावर शेअर केला होता. हा फोटो पाहताक्षणीच राहिल अगदी रितेशची कार्बन कॉपी आहे, हे जाणवल्याशिवाय राहत नाही.

‘नेक्स्ड सुपरस्टार’अबराम



होय, किंगखान शाहरूख खान याचा सर्वात लहान मुलगा अबराम येत्या मे महिन्यात चार वर्षांचा होईल. अबराम हा भावी सुपरस्टार असेल, असे शाहरूख अलीकडे म्हणाला होता. शाहरूखची ही भविष्यवाणी अगदी खरी ठरणार, हे अबरामला पाहिल्यानंतर नेमके जाणवते. अबरामचा एक व्हिडिओ अलीकडे व्हायरल झाला होता. त्या व्हिडिओला काही तासांत हजारो लाईक्स मिळाले होते. यावरून अबरामच्या चाहत्यांची कल्पना येते.

मामुचा लाडका आहिल



मामू सलमान खान याचा लाडका भाचा (सलमानची बहीण अर्पिता खान शर्मा हिचा मुलगा)आहिल शर्मा तर आत्ताच स्टार झालाय. होय, त्याला ‘बिग बॉस’चा भावी होस्ट असे म्हटले तरी चुकीचे ठरणार नाही. कारण अगदी अलीकडे मामू सलमानसोबत आहिल ‘बिग बॉस’१०च्या सेटवर दिसला. मामूसोबतचा आहिलचा वावर म्हणजेच, लोकप्रीयता पक्की.

आमिरचा लाडका आझाद



बॉलिवूडचा मिस्टर परफेक्शनिस्ट आमिर खान आणि किरण राव यांचा मुलगा आझाद येत्या आॅगस्टमध्ये सहा वर्षांचा होईल. अलीकडे ‘दंगल’ या चित्रपटाच्या प्रमोशनदरम्यान आमिरने त्याचा व आझादचा रेस्लिंग खेळतानाचा एक व्हिडिओ शेअर केला होता. हा व्हिडिओ हजारो लोकांनी पाहिला.  पापा आमिर खानप्रमाणेच आझाद फारसा चर्चेत नसतो. पण लोकांमध्ये त्याची क्रेझही कमी नाही.

ऐश्वर्याची लाडकी आराध्या



ऐश्वर्या राय बच्चन आणि अभिषेक बच्चन यांची मुलगी आराध्या बच्चन ही सुद्धा मम्माप्रमाणेच लोकप्रीय आहे, असे म्हटले तर अतिशयोक्ती होणार नाही. आराध्या मम्मासोबत कुठेही असो, ती दिसली रे दिसली की, सगळे कॅमेरे तिच्याकडे वळतात. कॅमेºयाचा हा झगमगाट काहिशी लाजºया-बुजºया आराध्याला अस्वस्थ करतो. पण आराध्याला लवकरच याचीही सवय होईल.

लक्ष्य



अभिनेता जितेन्द्र आजोबा झालेत, हे तुम्हाला ठाऊक आहेत. जितेन्द्र यांचा मुलगा तुषार कपूर याने लग्न न करता सिंगल पॅरेंट बनण्याचा निर्णय घेतला आणि जितेन्द्र यांनी तुषारच्या या निर्णयाला अगदी आनंदाने होणार दिला. त्यानुसार तुषारने सरोगसीद्वारे एका मुलाचा बाबा झाला. या बाळाचे नाव लक्ष्य ठेवण्यात आले आहे. सरोगसीद्वारे पिता होण्याचा तुषारचा निर्णय अत्यंत धाडसी मानला गेला होता. या निर्णयानंतर बॉलिवूडमध्ये तुषारचे चांगलेच कौतुक झाले होते. सध्या तुषार त्याच्या बाळाची काळजी घेत आहे. बाळासोबतचे अनेक फोटो तो अधूनमधून सोशल मीडियावर पोस्ट करत असतो.  

Web Title: 'These stars are also nothing less ...'!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.