Tiger 3: ३०० कोटींचं बजेट असलेल्या 'टायगर ३'ची बंपर कमाई, तीन दिवसांत कमावले 'इतके' कोटी
By ऑनलाइन लोकमत | Published: November 15, 2023 09:38 AM2023-11-15T09:38:09+5:302023-11-15T09:38:42+5:30
१२ नोव्हेंबरला प्रदर्शित झालेल्या 'टायगर ३'ने तीनच दिवसांत बंपर कमाई केली आहे.
Tiger 3: ३०० कोटींचं बजेट असलेल्या 'टायगर ३'ची बंपर कमाई, तीन दिवसांत कमावले 'इतके' कोटी
सलमान खानचा 'टायगर ३' दिवाळीच्या मुहुर्तावर सर्वत्र प्रदर्शित झाला. प्रदर्शित होताच 'टायगर ३'ने बॉक्स ऑफिसवर धमाका केला आहे. एक था टायगर आणि टायगर जिंदा है या चित्रपटांचा सीक्वेल असलेल्या 'टायगर ३'च्या प्रतिक्षेत प्रेक्षक होते. सलमान आणि कतरिना कैफ मुख्य भूमिकेत असलेल्या या चित्रपटाच्या ट्रेलरनंतर प्रेक्षकांची उत्सुकता वाढली होती. पहिल्या दिवसापासूनच हा चित्रपट पाहण्यासाठी प्रेक्षक थिएटरमध्ये गर्दी करत आहेत.
१२ नोव्हेंबरला प्रदर्शित झालेल्या 'टायगर ३'ने तीनच दिवसांत बंपर कमाई केली आहे. सलमानच्या चित्रपटाने पहिल्याच दिवशी रेकॉर्डब्रेक कमाई करत सनी देओलच्या 'गदर २'चा रेकॉर्ड मोडला. या चित्रपटाने पहिल्या दिवशी ४४ कोटींचा गल्ला जमवला होता. तर दुसऱ्या दिवशी ५७.५० कोटींची कमाई केली होती. आता या चित्रपटाच्या तिसऱ्या दिवसाचं कलेक्शन समोर आलं आहे. 'टायगर ३'ने तिसऱ्या दिवशी ४२.५० कोटींचा गल्ला जमवला आहे. या चित्रपटाने तीनच दिवसांत देशात १४६ कोटींची विक्रमी कमाई केली आहे.
'टायगर ३'मध्ये सलमान खान, कतरिना कैफ, इमरान हाशमी यांच्या मुख्य भूमिका आहेत. तर शाहरुख खान आणि हृतिक रोशन यांचा कैमिओ आहे. या चित्रपटाचे दिग्दर्शन मनिष शर्मा यांनी केलं आहे. सलमानच्या या चित्रपटाने बॉक्स ऑफिसवर धुमाकूळ घातला आहे.