'गणपत' मध्ये क्रिती सेननच्या Action सीनची चर्चा, किक बॉक्सिंग, नानचाकूचं घेतलं प्रशिक्षण

गणपतमध्ये दोघंही जबरदस्त अॅक्शन करताना दिसणार आहेत.

टायगर श्रॉफच्या (Tiger Shroff) आगामी 'गणपत' (Ganpath) सिनेमाची चाहत्यांमध्ये प्रचंड उत्सुकता आहे. सिनेमातून पुन्हा एकदा टायगर आणि क्रिती सेननची (Kriti Sanon) जोडी दिसणार आहे. दोघांनी 'हिरोपंती' सिनेमातून बॉलिवूडमध्ये पदार्पण केलं होतं.  तर आता गणपतमध्ये दोघंही जबरदस्त अॅक्शन करताना दिसणार आहेत. सिनेमातील क्रितीचं पोस्टर चाहत्यांच्या भलतंच पसंतील पडलं आहे. 

दिग्दर्शक विकास बहल यांच्या 'गणपत' सिनेमाचं चाहत्यांमध्ये खूप बझ आहे. चाहते आतुरतेने सिनेमाच्या रिलीजची वाट पाहत आहेत. सिनेमाच्या पोस्टर,ट्रेलरमधून टायगरने तर लक्ष वेधलंच आहे पण क्रितीही काही कमी नाही. क्रिती सेनन 'जस्सी' या भूमिकेत दिसणार आहे. तिच्याही अॅक्शन सीन्सची जोरदार चर्चा आहे. 

अभिनेत्री क्रिती सेनने सिनेमासाठी ननचाकू, डर्ट बाईक, किकबॉक्सिंगचं प्रशिक्षण घेतलं आहे. तिने प्रशिक्षणादरम्यानचा व्हिडिओ शेअर केला. त्यात ती म्हणाली,'हे सगळं सोपं नव्हतं पण मला खूप मजा आली. मी काहीही करु शकते याची जाणीव मला जस्सीने करुन दिली.'

२० ऑक्टोबरला 'गणपत' रिलीज होणार आहे. नवरात्रीतच सिनेमा रिलीज होत असून प्रेक्षक उत्सुक आहेत. अमिताभ बच्चनही सिनेमात मुख्य भूमिकेत आहेत. हिंदी , तेलुगू, तमिळ, मल्याळम, कन्नड या भाषांमध्ये सिनेमा रिलीज होतोय. वाशू भगनानी, जॅकी भगनानी, दीपशिखा देशमुख आणि विकास बहल यांनी गणपत या चित्रपटाची निर्मिती केली आहे.