'गणपत'मध्ये टाइगर श्रॉफ दिसणार आतापर्यंत न पाहिलेल्या अंदाजात, भूमिकेबद्दल म्हणाला...
By ऑनलाइन लोकमत | Published: October 18, 2023 06:30 PM2023-10-18T18:30:53+5:302023-10-18T18:31:12+5:30
Tiger Shroff : बॉलिवूड अभिनेता टायगर श्रॉफ लवकरच गणपत चित्रपटात दिसणार आहे. त्याने गणपतच्या आधी कधीही इतक्या शेड्स असलेली व्यक्तिरेखा साकारली नसल्याचे म्हटले आहे
'गणपत'मध्ये टाइगर श्रॉफ दिसणार आतापर्यंत न पाहिलेल्या अंदाजात, भूमिकेबद्दल म्हणाला...
बॉलिवूड अभिनेता टायगर श्रॉफ (Tiger Shroff) लवकरच 'गणपत' (Ganpat Movie) चित्रपटात दिसणार आहे. त्याने गणपतच्या आधी कधीही इतक्या शेड्स असलेली व्यक्तिरेखा साकारली नसल्याचे म्हटले आहे. पूजा एंटरटेनमेंटच्या बॅनरखाली तयार होत असलेल्या गणपत या चित्रपटात टायगर श्रॉफसोबतक्रिती सनॉन आणि अमिताभ बच्चन मुख्य भूमिकेत आहेत.
गणपत या चित्रपटातील व्यक्तिरेखा साकारण्याचा अनुभव वेगळा असल्याचे टायगर श्रॉफने सांगितले.तो म्हणाला, हे खूप वेगळे आहे, याआधी इतक्या छटा असलेले पात्र मी कधीच साकारले नव्हते. मी नेहमीच साधा नायक होतो, याला एक काळी बाजू आहे आणि ती खूपच लहान मुलांसारखी आहे. या चित्रपटात क्रिती सनॉनही अॅक्शन करताना दिसणार आहे.
गणपत हा बिग बजेट चित्रपट आहे. हा चित्रपट हिंदी, तेलुगू, तमिळ, मल्याळम, कन्नड या भाषांत २० ऑक्टोबर २०२३ रोजी प्रदर्शित होणार आहे. टायगरशिवाय या चित्रपटात क्रिती सनॉन आणि अमिताभ बच्चन मुख्य भूमिकेत आहेत. 'गणपत'मध्ये क्रिती पहिल्यांदाच ॲक्शन करताना दिसणार आहे. तसेच 'हीरोपंती'नंतर क्रिती सनॉन आणि टायगर श्रॉफची जोडी पुन्हा एकदा पडद्यावर झळकणार आहे. वाशू भगनानी, जॅकी भगनानी, दीपशिखा देशमुख आणि विकास बहल यांनी गणपत या चित्रपटाची निर्मिती केली आहे.
या चित्रपटांचा 'गणपत'शी होणार सामना
दसऱ्याच्या मुहूर्तावर गणपत चित्रपट चित्रपटगृहांमध्ये प्रदर्शित होत आहे. या दिवशी आणखी तीन चित्रपट रिलीज होणार आहे. यामध्ये कंगना राणौतचा 'तेजस', दिव्या खोसलाचा 'यारियाँ २' आणि तिसरा 'प्यार है तो है' प्रदर्शित होणार आहे.