Transformation from Woman To man​! सनी लिओनीचा हा व्हिडिओ नक्की पाहा!!

सनी लिओनी नुकतीच तिच्या कजिनच्या लग्नावरून परतली. या लग्नावरून भारतात पोहोचल्या पोहोचल्या सनीने एक व्हिडिओ शेअर केला आहे.

स�

��ी लिओनी नुकतीच तिच्या कजिनच्या लग्नावरून परतली.  खरे तर सनी सध्या ‘तेरा इंतजार’ या चित्रपटाच्या प्रमोशनमध्ये व्यस्त आहे. पण इतक्या बिझी शेड्यूलमध्येही कुटुंबासाठी वेळ काढत सनी कॅनडात बहिणीच्या लग्नासाठी पोहोचली होती. या लग्नात सनीने धम्माल मस्ती केली होती. या लग्नातील सनीचे काही फोटोही तुम्ही बघितले होते. आता चुलत बहिणीच्या लग्नावरून भारतात पोहोचल्या पोहोचल्या सनीने एक व्हिडिओ शेअर केला आहे. लवकरच सनीचा ‘तेरा इंतजार’ हा सिनेमा रिलीज होतोय. या चित्रपटात सनी अरबाज खानसोबत स्क्रिन शेअर करताना दिसणार आहे. सध्या या चित्रपटाच्या सेटवरचा एक व्हिडिओ सनीने सोशल मीडियावा पोस्ट केला आहे.   सनीचा पुरूषी अवतार या व्हिडिओत तुम्हाला पाहायला मिळणार आहे. ३० सेकंदात सनी पुरूषाच्या गेटअपमध्ये परिवर्तीत झालेली यात तुम्हाला दिसणार आहे. निश्चितपणे हा व्हिडिओ इंटरेस्टिंग आहे.

आता हा पुरूषी अवतार कशासाठी? असा प्रश्न तुम्हाला पडला असेल. तर ‘तेरा इंतजार’मधील एका गाण्यात सनी या आगळ्यावेगळ्या अवतारात दिसणार आहे. म्हणजेच या गाण्यात सनीचे दोन लूक पाहायला मिळतील. यापैकीच एक लूक पुरुषाचा आहे. तिला हा लूक कशाप्रकारे देण्यात आला, हे तुम्हाला व्हिडिओत दिसते आहे. थॉमस मोका या मेकअप आर्टीस्टने तिला हा लूक दिला आहे. साहजिकच  हा व्हिडिओ पोस्ट करताना सनी थॉमसचे आभार मानायला विसरली नाही. सनीने शेअर केलेला हा व्हिडिओ बघा आणि यातील सनीचा पुरूषी अवतार कसा वाटला, ते जरूर कळवा. कमेंट बॉक्समध्ये तुम्ही तुमच्या कमेंट्स लिहू शकता.

ALSO READ: ​बहीणीच्या लग्नासाठी कॅनडात पोहोचली सनी लिओनी! पाहा, फोटो!!

 राजीव वालिया दिग्दर्शित ‘तेरा इंतजार’ हा चित्रपट २४ नोव्हेंबरला प्रदर्शित होणार आहे. या चित्रपटाची कथा ‘टार्जन द वंडर कार’शी मिळती जुळती असल्याचे सांगितले जाते. सनी अरबाजवर प्रचंड प्रेम करत असते. पण काही लोक अरबाजची हत्या करतात आणि सनीला त्रास देणे सुरु करतात. यानंतर अरबाजची आत्मा सनी लिओनीला सोबत करते आणि सगळ्यांचा सूड घेते, अशी कथा यात पाहायला मिळणार आहे.