इव्हेंटमध्ये बोलत होती Urvashi Rautela, लोकांनी दिल्या Rishabh Pant च्या नावाच्या घोषणा आणि...

Urvashi Rautela : उर्वशी रौतेला जशी स्टेजवर आली तिथे असलेले लोक ऋषभ पंतचं नाव घेऊन ओरडू लागतात. लोक जोरजोरात पंत, पंत ओरडत असल्याने उर्वशी इव्हेंटमध्ये बोलत असताना पुन्हा पुन्हा अडखळत होती

Urvashi Rautela : अभिनेत्री उर्वशी रौतेला नेहमीच वेगवेगळ्या कारणांची चर्चेत असते. उर्वशी सध्या तिचा आगामी सिनेमा Waltair Veerayaa च्या प्रमोशनमध्ये बिझी आहे. यासाठी ती नुकतीच विशाखापट्टनमला गेली होती. प्रमोशनल इव्हेंटचा तिने एक व्हिडीओ शेअर केला आहे. ज्यात स्पष्टपणे ऐकायला मिळत आहे की, कशाप्रकारे तिला बघून इव्हेंटमधील लोकांना क्रिकेटर ऋषभ पंत याची आठवण आली.

उर्वशी रौतेला जशी स्टेजवर आली तिथे असलेले लोक ऋषभ पंतचं नाव घेऊन ओरडू लागतात. लोक जोरजोरात पंत, पंत ओरडत असल्याने उर्वशी इव्हेंटमध्ये बोलत असताना पुन्हा पुन्हा अडखळत होती आणि लोक सतत ऋषभच्या नावाच्या घोषणा देत होते. तरीही तिला जे बोलायचं होतं ते ती बोलते. व्हिडीओत तुम्ही बघू शकता की, उर्वशी मेगास्टार चिरंजीवीबाबत बोलत होती.

View this post on Instagram

A post shared by Urvashi Rautela (@urvashirautela)

तशी तर उर्वशीला बघून ऋषभ पंतच्या नावाच्या घोषणा देणं ही काही नवीन बाब नाही. याआधीही तिच्यासोबत असं झालं आहे. नंतर उर्वशीने इन्स्टावर स्टोरी शेअर करत नाराजीही व्यक्त केली होती. या व्हिडीओच्या कॅप्शनला उर्वशीने लिहिलं की, 'हेच ते प्रेम आहे, ते मला पुढे घेऊन जात आहे'. तिच्या या व्हिडीओवर लोक अनेक मजेदार कमेंट्सही करत आहेत. 

उर्वशीच्या Waltair Veerayya बाबत सांगायचं तर हा सिनेमा 13 जानेवारीला रिलीज होत आहे. यात चिरंजीवी, रवि तेजा आणि श्रुति हसन यांच्या मुख्य भूमिका आहेत. या सिनेमात उर्वशीचा एक आयटम नंबर आहे, जो आधीच हिट झालाय. या गाण्यात उर्वशी चिरंजीवीसोबत डान्स करताना दिसत आहे. अलिकडे उर्वशी तिच्या कामापेक्षा ऋषभ पंतमुळे चर्चेत राहते. ऋषभ सध्या मुंबईत हॉस्पिटलमध्ये आहे. काही दिवसांआधी त्याचा अपघात झाला होता.