Bhediya Box Office Collection Day 2: वरूण धवनच्या ‘भेडिया’ने दोन दिवसांत कमावले इतके कोटी

Bhediya Box Office Collection Day 2: वरूण धवनसाठी हे वर्ष खास ठरलं. यावर्षी रिलीज झालेला त्याचा ‘जुग जुग जियो’ हिट झाला आणि आता ‘भेडिया’ने बॉक्स ऑफिसवर धुमाकूळ घातला आहे.

 Bhediya Box Office Collection Day 2: वरूण धवनसाठी (Varun Dhawan) हे वर्ष खास ठरलं आहे. यावर्षी रिलीज झालेला त्याचा ‘जुग जुग जियो’ हिट झाला आणि आता ‘भेडिया’ने ( Bhediya) बॉक्स ऑफिसवर धुमाकूळ घातला आहे. होय, केवळ भारतातच नाही तर वर्ल्डवाईडही हा सिनेमा जबरदस्त कमाई करतोय.

वरूण धवन, क्रिती सॅनन (Kriti Sanon), अभिषेक बॅनर्जी यांच्या मुख्य भूमिका असलेला ‘भेडिया’ गेल्या शुक्रवारी रिलीज झाला आणि दोन दिवसांत या सिनेमाने 25 कोटींचा गल्ला जमवला. ‘दृश्यम 2’शी तगडी स्पर्धा असताना ‘भेडिया’ने दोन दिवसांत 25 कोटींचा बिझनेस करावा, यातच सगळं आलं.

#Bhediya gathers speed on Day 2… Slowly and steadily, the film is finding its share of audience… National chains witness an upward trend, while mass pockets improve… Day 3 crucial, needs to show big gains… Fri 7.48 cr, Sat 9.57 cr. Total: ₹ 17.05 cr. #India biz. pic.twitter.com/BgnaLf1T6i

— taran adarsh (@taran_adarsh) November 27, 2022

भारतीय बॉक्स ऑफिसवर  ‘भेडिया’ने रिलीजच्या पहिल्या दिवशी 7.48 कोटींची कमाई केली आणि दुसऱ्या दिवशी शनिवारी 9.57 कोटींचा गल्ला जमवला. आत्तापर्यंत या चित्रपटाने 17.05 कोटींचा बिझनेस केला आहे.
वर्ल्डवाईड कमाईबद्दल बोलायचं तर या चित्रपटाने दोन दिवसांत 26.66 कोटींचा वर्ल्डवाईड ग्रॉस बिझनेस केला आहे.

अशी आहे कथा
लहान-सहान कॉन्ट्रॅक्ट घेणाऱ्या भास्कर शर्माचीही कथा आहे. अरुणाचल प्रदेशमध्ये जंगलातून रस्ता काढण्यासाठी गावकऱ्यांकडून जमिन अधिग्रहित करण्याचं कॉन्ट्रॅक्ट भास्करला मिळतं. त्यासाठी तो वडीलोपार्जित घरही गहाण टाकतो. चुलत भावासोबत हिमाचल प्रदेशमध्ये पोहोचतो. एका वळणावर एक लांडगा भास्करच्या मागे लागतो. भास्कर झाडाला लटकतो, पण लांडगा त्याच्या पार्श्वभागाचा लचका तोडतो. उपचारांसाठी भास्करला जनावरांची डॉक्टर असलेल्या अनिकाकडे आणलं जातं. ती उपचार करते आणि दुसऱ्या दिवशी भास्करची जखम बरी होते. गावकऱ्यांची मिटींग घेऊन भास्कर रस्त्याचं प्रपोजल त्यांच्यासमोर ठेवतो, पण गावकरी भडकतात. भास्कर तरुणांच्या लीडरशी हातमिळवणी करून त्यांच्या सह्या घेतो. त्यानंतर अशा काही घटना घडत जातात ज्या आकलना पलीकडल्या असतात...