जबरदस्त...! पाहा, ‘स्ट्रिट डान्सर 3 डी’चा ट्रेलर 

होय, ‘स्ट्रिट डान्सर 3 डी’चा दमदार ट्रेलर रिलीज झालाय.

ठळक मुद्देवरूण धवन-श्रद्धा कपूर स्टारर  ‘स्ट्रिट डान्सर 3 डी’ रेमो डिसूजा दिग्दर्शित करतोय.

बॉलिवूड स्टार वरूण धवन आणि श्रद्धा कपूर यांच्या ‘स्ट्रिट डान्सर 3 डी’ या सिनेमाची चाहते आतुरतेने प्रतीक्षा करत आहे. तूर्तास चाहत्यांसाठी एक आनंदाची बातमी आहे. होय, ‘स्ट्रिट डान्सर 3 डी’चा दमदार ट्रेलर रिलीज झालाय. डान्स फ्लोरवर भारत-पाक यांच्यातील मुकाबला या चित्रपटाच्या निमित्ताने प्रेक्षकांना पाहायला मिळणार आहे. ट्रेलरमध्ये त्याची एक छोटीशी झलक पाहायला मिळते.

#trailer out today 1pm. #StreetDancer3DTrailer#StreetDancer3Dpic.twitter.com/vdTyyl1RLX

— Remo D'souza (@remodsouza) December 18, 2019

चित्रपटाचा ट्रेलर इतका कलरफुल आणि इमोशनल आहे की, सोशल मीडियावर आत्तापासूनच ‘ब्लॉकबस्टर फिल्म’ अशा प्रतिक्रिया उमटत आहेत. चाहते ‘स्ट्रिट डान्सर 3 डी’ च्या ट्रेलरची प्रशंसा करताना थकत नाहीयेत. ट्रेलरमध्ये डान्सचा तडका आहे. नोरा फतेहीच्या किलर मुव्ह्स आहेत. शिवाय प्रभुदेवाच्या डान्सची झलकही आहे. वरूण व श्रद्धाची केमिस्ट्री नेहमीप्रमाणे मस्त जमून आलीय.

वरूण धवन-श्रद्धा कपूर स्टारर  ‘स्ट्रिट डान्सर 3 डी’ रेमो डिसूजा दिग्दर्शित करतोय.  रेमोचा हा डान्स बेस्ड चित्रपट ‘एबीसीडी’ या सुपरहिट फ्रेंचाइजीचा तिसरा भाग आहे. आधी या चित्रपटाचे नाव ‘रुल ब्रेकर्स’ असे असल्याचे सांगितले गेले. मात्र आता  ‘स्ट्रिट डान्सर 3 डी’ या नावाने हा चित्रपट प्रदर्शित होत आहे. श्रद्धा व वरूणसोबत नोरा फतेही ही सुद्धा यात महत्त्वपूर्ण भूमिकेत आहे.  ‘स्ट्रिट डान्सर 3 डी’मध्ये वरुण एका पंजाबी तरुणाची भूमिका वठविणार असून श्रद्धा एका पाकिस्तानी डान्सरच्या भूमिकेत दिसणार आहे.