video : ​मौनी रायच्या या डान्स व्हिडिओवर तुम्हीही व्हाल ‘फिदा’!

मौनीने तिचा एक जुना व्हिडिओ सोशल अकाऊंटवर शेअर केला आहे. हा व्हिडिओ पाहिल्यानंतर तुम्ही नव्याने मौनीच्या प्रेमात पडल्याशिवाय राहणार नाही.

‘�

��ागीन2’ ही मालिका भलेही संपली असेल पण मौनी रायवरचे लोकांचे प्रेम मात्र अगदी जशेच्या तसे आहे. आपल्या निराळ्या अदांनी चाहत्यांना घायाळ करणारी मौनी नेहमीच या ना त्या कारणाने चर्चेत असते. अगदी अभिनयापासून तर तिच्या फॅशन सेन्सपर्यंतच्या अनेक गोष्टींच्या बातम्या होतात. (काल-परवाच तिच्या ब्रेकअपची बातमी होती.) फॅशनमध्ये तर मौनीला तोड नाही. याचमुळे तिच्या फॅन फॉलोर्इंगमध्ये मुलींची संख्या सर्वाधिक आहे. सध्या मौनी अशाच एका कारणाने चर्चेत आहे. होय, मौनीने तिचा एक जुना व्हिडिओ सोशल अकाऊंटवर शेअर केला आहे. हा व्हिडिओ पाहिल्यानंतर तुम्ही नव्याने मौनीच्या प्रेमात पडल्याशिवाय राहणार नाही.

हा एक डान्स व्हिडिओ आहे. या व्हिडिओत मौनी अगदी मन लावून डान्सची प्रॅक्टिस करताना दिसतेय. व्हिडिओत मौनी एकटी नाही तर तिच्यासोबत कोरिओग्राफर प्रतीक उतेकर हाही आहे. मौनीचा हा व्हिडिओ एकदा पाहून तुमचे मन भरणार नाही, केवळ एवढेच आम्ही दाव्यानिशी सांगू शकतो. अभिनयासोबत मौनी डान्सबद्दलही पॅशनेट आहे, हे सगळेच जाणतात. वेळ मिळेल तेव्हा मौनी डान्सची प्रॅक्टिस करते. तूर्तास मौनीचा हा धम्माल व्हिडिओ तुम्ही पाहायलाच हवा. अर्थात तो पाहिल्यानंतर मौनीचा डान्स तुम्हाला कसा वाटला, हे सांगायला विसरू नका.

ALSO READ : ​ मौनी रायच्या चाहत्यांसाठी आहे एक वाईट बातमी!

सन २००७ मध्ये मध्ये मौनीने छोट्या पडद्यावर पदार्पण केले होते. त्याआधी मौनी बॉलिवूडच्या काही चित्रपटांत झळकली होती. २००४मध्ये आलेल्या ‘रन’, २०११ मध्ये आलेल्या ‘ हीरो हिटलर इन लव्ह’मध्ये  मौनीला संधी मिळाली होती. मात्र या चित्रपटांमध्ये तिची भूमिका इतकी छोटी होती की, तिच्याकडे कुणाचे लक्षच गेले नाही. ‘देवो का देव महादेव’, ‘बिग बॉस 9’ आणि ‘नागीन’ या टीव्ही सीरिअल्सनी मौनीला खरी लोकप्रीयता दिली. पण मौनी आता पुन्हा बॉलिवूडमध्ये दिसणार आहे. १३ वर्षे छोट्या पडद्यावर काम केल्यानंतर अक्षय कुमारचा ‘गोल्ड’ हा सिनेमा मौनीच्या हाती लागला आहे. या चित्रपटात मौनी एका महत्त्वपूर्ण भूमिकेत आहे.