रजनीकांत यांच्यासोबत दिसणार विद्या बालन ?

स�

��परस्टार रजनीकांत यांचा चित्रपट 'कबाली' स्पिन ऑफच्या प्री- प्रॉडक्शनचे काम सुरु झाले आहे. रजनीकांतच्या कबालीच्या स्पिन ऑफ या चित्रपटासाठी बॉलिवूड अभिनेत्रीला घेण्याचा विचार सुरु असल्याचे कळतेय. ती अभिनेत्री दुसपी-तिसरी कोणी नसून  विद्या बालनला असल्याचे समजतेय. विद्या बालनशी फायनल डेट्सबाबत बोलणे ही सुरु असल्याचे कळतेय. सगळे जुळून आले तर ही पहिली वेळ असेल जेव्हा विद्या सुपरस्टार रजनीकांत यांच्याबरोबर काम करेल. त्याचबरोबर या चित्रपटासोबत  विद्याचा हा तमिळ इंटस्ट्रीत डेब्यू होईल.    

कबाली स्पिन ऑफचे टाइटल अजून निश्चित नाही केले गेले आहे. मात्र यावेळी हा चित्रपट अजून दर्जेदार असेल यात काही शंका नाही कारण याचा निर्माता रजनीकांतचा जावई धुनष आहे. तर दिग्दर्शन पा रंजीत करणार आहेत. रंजीतबरोबर रंजनीकांत यांची हा दुसरा चित्रपट आहे. धनुष त्याचे होम-प्रॉडक्शन वंडरबारच्या बॅनरखाली या चित्रपटाची निर्मिती करणार आहे. कबालीमध्ये रजनीकांत यांच्यासोबत मुख्य भूमिकेत राधिका आपटे आपल्याला दिसली आहे. सध्या विद्या बालन तिचा आगामी चित्रपट बेगम जानच्या पोस्ट प्रॉडक्शनमध्ये व्यस्त आहे.

सूत्रांच्या माहितीनुसार दिग्दर्शक रंजीतने या चित्रपटाची कथा सगळ्यात आधी धनुषला सांगितली होती. कथा ऐकताच धनुषने होकार दिला होता. रजनीकांत यांच्या कबाली चित्रपटाने बॉक्स ऑफिसवर चांगलाच धुमाकूळ घातला होता. जवळपास 211 कोटींचा गल्ला कबालीने केला होता. याशिवाय जगभरात या चित्रपटाने 259 कोटी कमावले होते. त्यामुळ कबालीचा सिक्वल ही कबील प्रमाणेच बॉक्स ऑफिसवर धुमाकूळ घालेल यात काही शंका नाही. विद्या बालनचे फॅन्सही विद्या आणि रजनीकांत यांच्या जोडीला मोठ्या पडद्यावर एकत्र बघण्यास उत्सुक आहेत.