हे काय? विजय देवरकोंडा व अनन्या पांडेचा ‘हा’ फोटो पाहून चाहते कन्फ्युज, काय आहे यामागची कहाणी?

Vijay Deverakonda And Ananya Panday : साऊथ सुपरस्टार विजय देवरकोंडा आणि अनन्या पांडेचा ‘लाइगर’ हा सिनेमा प्रदर्शनासाठी सज्ज आहे. पण त्याआधी विजय आणि अनन्याचा एक फोटो पाहून चाहते कन्फ्युज झाले आहेत. होय, सध्या दोघांचा हा फोटो तुफान व्हायरल होतोय...

साऊथ सुपरस्टार विजय देवरकोंडा ( Vijay Deverakonda )आणि बॉलिवूड स्टार अनन्या पांडेचा ( Ananya Panday ) ‘लाइगर’  (Liger) हा सिनेमा प्रदर्शनासाठी सज्ज आहे. येत्या 25 आॅगस्टला हा सिनेमा चित्रपटगृहांत धडकणार आहे. पण त्याआधी विजय आणि अनन्याचा एक फोटो पाहून चाहते कन्फ्युज झाले आहेत. होय, सध्या दोघांचा हा फोटो तुफान व्हायरल होतोय.

यात विजय आणि अनन्या हात जोडून पुरोहितांचे आशीर्वाद घेताना दिसत आहेत. विजयची आई सुद्धा या फोटोत आहे. समोर पूजेचे साहित्य आहेत आणि विजय व अनन्या दोघांच्याही चेहऱ्यावरचा आनंद ओसंडून वाहतोय. हे काय? असा प्रश्न तुम्हालाही पडला असेल. पण तुम्ही समजता असं काहीही नाही.
हे फोटो पूजेचे आहेत, हे खरं आहे.   विजय व अनन्या दोघंही या पूजेत सामील झाले हेही खरं आहे. विजयच्या घरी ही पूजा झाली. पण या पूजेचा विजय व अनन्याशी तुम्ही समजता तसा काहीही संबंध नाही. ही पूजा झाली ती ‘लाइगर’च्या यशासाठी. होय, विजयच्या अम्माने लेकाचा ‘लाइगर’ हा सिनेमा सुपरडुपर हिट व्हावा यासाठी घरी खास पूजा ठेवली होती. या पूजेसाठी अनन्या विजयच्या हैदराबादेतील घरी गेली होती.

या पूजेचे काही फोटो अनन्याने तिच्या इन्स्टा अकाऊंटवर शेअर केले आहेत. विजयच्या अम्माचे आशीर्वाद... विजयच्या हैदराबाद येथील घरी ‘लाइगर’साठी पूजा केली गेली. थँक्यू आन्टी, असं अनन्याने हे फोटो शेअर करताना लिहिलं आहे. एका फोटोत अनन्या विजयच्या अम्माचे आशीर्वाद घेताना दिसतेय. याशिवाय विजय व अनन्या दोघांनी रक्षाकवचही बांधले आहेत.

‘लाइगर’ या सिनेमाबद्दलच सांगायचे तर या चित्रपटाद्वारे विजय देवरकोंडाचा बॉलिवूड डेब्यू होतोय. पुरी जगन्नाथ यांनी दिग्दर्शित केलेला हा सिनेमा करण जोहर, पुरी जगन्नाथ, चार्मी कौर व अपूर्वा मेहता यांनी प्रोड्यूस केला आहे. चित्रपटाचा ट्रेलर आधीच प्रदर्शित झाला आहे. विजय देवरकोंडा या सिनेमात बॉक्सरच्या भूमिकेत दिसणार आहे. हिंदीशिवाय अन्य चार भाषांमध्ये हा सिनेमा रिलीज होतोय.