Vijay Sethupathi : उगाच वाढले नाहीत विजय सेतुपतीचे भाव...! शाहरूखच्या ‘जवान’साठी घेतलं इतकं मानधन

Vijay Sethupathi, Jawan : विजयने ‘जवान’ या चित्रपटासाठी तगडी रक्कम वसूल केली आहे. याआधी कोणत्याही चित्रपटासाठी त्याने इतकं मानधन घेतलेलं नाही.

किंगखान शाहरूख खानच्या (Shah Rukh Khan) ‘जवान’ ( Jawan) या आगामी सिनेमाचा टीझर रिलीज झाल्यापासून चाहते क्रेझी झाले आहेत. हा सिनेमा पाहण्यास चाहते कमालीचे उत्सुक आहेत. कारण फक्त शाहरूख नाही तर या चित्रपटात तामिळ सुपरस्टार विजय सेतुपती (Vijay Sethupathi) हा सुद्धा एका दमदार भूमिकेत झळकणार आहे. शिवाय साऊथची लेडी सुपरस्टार नयनतारा ही सुद्धा एका महत्त्वपूर्ण भूमिकेत आहेत. साहजिकच चाहत्यांची उत्सुकता शिगेला पोहोचली आहे. तूर्तास चर्चा आहे ती विजय सेतुपतीने या चित्रपटासाठी घेतलेल्या मानधनाची.

चर्चा खरी मानाल तर विजयने या चित्रपटासाठी तगडी रक्कम वसूल केली आहे. याआधी कोणत्याही चित्रपटासाठी त्याने इतकं मानधन घेतलेलं नाही.
मीडिया रिपोर्टनुसार, विजयने ‘जवान’साठी 21 कोटी मानधन घेतलं आहे. याआधीच्या चित्रपटासाठी विजयने 15 कोटी मानधन घेतलं होतं.

उगाच वाढले नाहीत सेतुपतीचे भाव...
विजय सेतुपतीचे भाव उगाच वाढलेले नाहीत. त्यामागे मोठं कारण आहे. काही महिन्यांआधी रिलीज झालेल्या कमल हासन यांच्या ‘विक्रम’ या चित्रपटात विजयच्या अ‍ॅक्टिंगचं प्रचंड कौतुक झालं होतं. साहजिकच त्याची डिमांड वाढली आहे. ‘जवान’साठी विजयने अन्य दोन चित्रपट सोडले. यामुळेही त्याचं मानधन वाढलं.  ‘जवान’मध्ये विजयची भूमिका इतकी महत्त्वपूर्ण आहे की, तो या चित्रपटाला नकार देऊ शकला नाही. विजय हा या चित्रपटात निगेटीव्ह रोलमध्ये दिसणार आहे. आधी या रोलसाठी राणा दग्गुबतीचं नाव चर्चेत होतं. पण त्याने म्हणे प्रकृती कारणास्तव या चित्रपटाला नकार दिला. यानंतर शाहरूखने स्वत: या चित्रपटाबद्दल विजय सेतुपतीसोबत चर्चा केली आणि त्याला राजी केलं.

 ‘जवान’ हा सिनेमा हिंदीशिवाय तामिळ, तेलगू, कन्नड व मल्याळम भाषेत बनणार आहे. यात दीपिका पादुकोण, सान्या मल्होत्रा व सुनील ग्रोव्हर यांच्याही भूमिका असल्याचं कळतंय.