'मास्टर' फेम विजय थलपतीची इंस्टाग्रामवर दमदार एन्ट्री, अवघ्या काही तासात झाले एवढे फॉलोव्हर्स

Vijay Thalapathy : विजय थलपतीने इंस्टाग्रामवर पदार्पण केले आहे. काही तासांतच त्यांचे लाखो फॉलोअर्स झाले आहेत.

विजय थलपती (Vijay Thalapathy) हा साऊथ सिनेसृष्टीतील सर्वाधिक मानधन घेणारा स्टार आहेत. त्याची खूप मजबूत फॅन फॉलोइंग आहे. विजयची एक झलक पाहण्यासाठी चाहते आतुर असतात. आता विजयने सोशल मीडिया प्लॅटफॉर्म इन्स्टाग्रामवर एन्ट्री केल्याने त्याच्या चाहत्यांमध्ये आनंदाची लाट पसरली आहे. इंस्टाग्रामवर पदार्पण केल्यानंतर, अभिनेत्याने पहिली पोस्ट देखील शेअर केली आहे, ज्याला खूप लाईक्स आणि शेअर मिळत आहेत.

दाक्षिणात्य अभिनेता विजय थलापतीने इंस्टाग्रामवर पदार्पण केले आहे. अकाउंट सुरू केल्यानंतर लाखो चाहत्यांनी त्याला फॉलो केले आहे. अभिनेत्याने इन्स्टाग्रामवर स्वतःचा एक फोटो शेअर केला आहे, ज्यामध्ये तो पांढरा टी-शर्ट आणि काळ्या शर्टमध्ये दिसत आहे. या लूकमध्ये तो खूपच हॅण्डसम दिसत आहे. त्याचा फोटो पोस्ट करत त्याने कॅप्शनमध्ये लिहिले, 'हॅलो फ्रेंड्स'.

इंस्टाग्रामवर खाते सुरू केल्यानंतर २० मिनिटांत विजय थलापती यांचे १२० हजार फॉलोअर्स होते, जे आता २.४ दशलक्ष झाले आहेत. चाहते कॉमेंट सेक्शनमध्ये विजय थलपतीचे स्वागत करत आहेत आणि त्यांच्यावर प्रेमाचा वर्षाव करत आहेत.

वर्कफ्रंटबद्दल...

विजय थलपतीच्या वर्कफ्रंटबद्दल सांगायचे तर, तो शेवटचा 'वारीसू' चित्रपटात दिसला होता. या चित्रपटाने जगभरात ३०० कोटींहून जास्त कमाई केली आहे. वारिसू चित्रपटातील विजयसोबतची रश्मिका मंदान्नाची केमिस्ट्री खूप आवडली होती. आता अभिनेता लोकेश कनागराज दिग्दर्शित आगामी लिओ चित्रपटात दिसणार आहे. १९ ऑक्टोबर रोजी चित्रपटगृहात दाखल होणार्‍या लिओ चित्रपटाचा संजय दत्त देखील एक भाग आहे. याशिवाय विजय थलपती शाहरुख खानच्या जवान या चित्रपटात दिसणार आहे, मात्र यामध्ये तो फक्त कॅमिओ करताना दिसणार आहे.