Watch Video : रणवीर सिंगने इन्स्टाग्राम लाइव्ह व्हिडीओमध्ये कापली दाढी!!

​अभिनेता रणवीर सिंग त्याच्या बिनधास्त स्वभावासाठी ओळखला जातो. कारण तो कधी काय करेल हे सांगणे मुश्कीलच असते. त्याच्या डोक्यात नेमकं काय चालत असेल, याचा कोणालाच अंदाज बांधता येत आहे.

अ�

��िनेता रणवीर सिंग त्याच्या बिनधास्त स्वभावासाठी ओळखला जातो. कारण तो कधी काय करेल हे सांगणे मुश्कीलच असते. त्याच्या डोक्यात नेमकं काय चालत असेल, याचा कोणालाच अंदाज बांधता येत आहे. त्यामुळेच कदाचित त्याचे चाहते त्याच्यावर प्रचंड प्रेम करीत असावेत. सध्या असाच काहीसा त्याचा बिनधास्त स्वभाव त्याच्या चाहत्यांना बघावयास मिळाला आहे. सध्या रणवीर आगामी ‘पद्मावती’ या चित्रपटात अल्लाउद्दीन खिलजीची भूमिका साकारत आहे. ज्याकरिता त्याने लांब केस, दाढी आणि पिळदार मिशा वाढविल्या आहेत. रणवीरचा हा लूक त्याच्या चाहत्यांना खूपच आवडला आहे; मात्र आता रणवीर नवा अवतार धारण करणार असून, त्याचा हा लूक कसा असेल याविषयी त्याच्या चाहत्यांना उत्सुकता लागली आहे. वास्तविक त्याने याबाबतची झलक लाइव्ह चॅटच्या माध्यमातून दाखवूनही दिली आहे. 

आता तुम्ही विचार करीत असाल की, आम्ही तुम्हाला हे सर्व का सांगत आहोत. तर त्याचे कारण असे की, तुमच्या फेव्हरेट रणवीरने दाढी कापली आहे. होय, ज्या लुकमध्ये रणवीर गेल्या कित्येक महिन्यांपासून बघावयास मिळत होता. आता तो त्या लुकमध्ये बघावयास मिळणार नाही. विशेष रणवीरने आपली दाढी लपून-छपून कापली नाही. तर इन्स्टाग्रामवर एका लाइव्ह व्हिडीओमध्ये तो दाढी कापताना बघावयास मिळत आहे. रणवीरचा हा बिनधास्त अंदाज त्याच्या चाहत्यांना पसंत आला नसेल तरच नवल. 
 

या व्हिडीओमध्ये रणवीर म्हणतोय की, मी वयोवृद्ध अल्लाउद्दीन खिलजीच्या रूपातून तरुण अलाउद्दीन खिलजीच्या रूपात प्रवेश करीत आहे. असे म्हटल्यानंतर रणवीर लगेचच त्याच्या दाढीवर कात्री चालवितो. खरं तर पहिल्यांदाच असे घडले नाही की, रणवीरने त्याचा लूक बदलला. या अगोदरदेखील त्याने ‘बाजीराव मस्तानी’च्या वेळेस असाच काहीसा कारनामा केला होता. त्यावेळी अभिनेत्री दीपिका पादुकोण हिनेच रणवीरच्या मिशा कापल्या होत्या. त्यावेळेसदेखील रणवीरचा हा व्हिडीओ सोशल मीडियावर व्हायरल झाला होता. या व्हिडीओमध्येदेखील ते दोघे असेच काहीसे बोलताना दिसत होते. असो, आता रणवीर त्याच्या नव्या लुकमध्ये कसा दिसेल याची सगळ्यानाच उत्सुकता लागली आहे.