सिल्क साडी, गळ्यात फुलांची माळ..., मौनी रॉयनं गुपचूप बांधली लग्नगाठ? फोटो पाहून चाहते कनफ्यूज

Mouni Roy Latest Photos: मौनी लवकरच बॉयफ्रेन्ड सूरज नांबियारसोबत (Suraj Nambair) लग्न करणार असल्याची चर्चा आहे. अर्थात त्याआधीच मौनीचे काही फोटो व्हायरल झाल्याने चाहते गोंधळले आहेत.

Mouni Roy Latest Photos: विकी कौशल व कतरिना कैफ यांचं नुकतंच लग्न झालं. पाठोपाठ अंकिता लोखंडे हिनेही लग्नगाठ बांधली. आता चर्चा आहे ती अभिनेत्री मौनी रॉय (Mouni Roy) हिच्या लग्नाची. होय, मौनी लवकरच बॉयफ्रेन्ड सूरज नांबियारसोबत (Suraj Nambair) लग्न करणार असल्याची चर्चा जोरात आहे. अर्थात त्याआधीच मौनीचे काही फोटो व्हायरल झाल्याने चाहते गोंधळले आहेत. होय, मौनीनं गूपचूप लग्न केलं की काय? असा प्रश्न चाहत्यांना पडला आहे.

नुकतेच मौनीने काही ब्लॅक अ‍ॅण्ड व्हाईट फोटो शेअर केलेत. तिने शेअर केलेले हे फोटो क्षणात व्हायरल झालेत. या फोटोत मौनीनं सिल्क साडी नेसलेली दिसतेय. तिच्या गळ्यात फुलांची माळ आहे. मौनीचा हा लुक व्हायरल झाला आणि मग काय, मौनीनं गुपचूप लग्न उरकल्याचा दावा सोशल मीडियावर केला गेला. पण तूर्तास तरी असं काहीही नाही.

होय, मौनीनं शेअर केलेले हे फोटो तिच्या लग्नाचे नसून सत्यनारायण पूजेचे आहेत. मौनीनं खुद्द हा खुलासा केला आहे. ‘आज केरळमध्ये थिरूवथिरा उत्सव साजरा होतोय. आजच्या दिवशी शिव व पार्वती दीर्घकाळानंतर एकमेकांना भेटण्याचं मानलं जातं. सत्यनारायण पूजेनंतर...,’ असं कॅप्शन तिने या फोटोंना दिलं आहे.

चर्चा खरी मानाल तर येत्या 27 जानेवारीला मौनी सूरज नांबियारसोबत लग्न करणार आहे. इटलीत हे लग्न होणार असल्याचंही कळतंय. अर्थात अद्याप मौनीने लग्नाबद्दलची कोणतीही घोषणा केलेली नाही. अलीकडे मौनीचे गोव्यात गर्लगँगसोबत पार्टी करतानाचे फोटो व्हायरल झाले होते. हे फोटो मौनीच्या बॅचलर पार्टीचे असल्याचा दावाही केला गेला होता.

गेल्या अनेक दिवसांपासून मौनी व सूरजच्या रिलेशनशिपची चर्चा आहे. दुबईत राहणारा सूरज हा बँकर असून, मुळचा बंगळुरूचा आहे. त्याने आर.व्ही. अभियांत्रिकी महाविद्यालयातून सिव्हिल इंजिनीअरिंगमधील बी.टेक केले आहे. तसेच, स्टॅनफोर्ड विद्यापीठात गुंतवणूक, विज्ञान आणि आंतरराष्ट्रीय व्यवस्थापनाचा पदविका अभ्यास केला आहे. सूरजने ‘अशोक इंडिया’ या कंपनीत इंटर्न म्हणून काम केले होते. सध्या तो इन्व्हिक्टस म्हणून एका प्रसिद्ध इंजिनीअरिंग अँड बिजनेस डेव्हलपमेंट कंपनीत कार्यरत आहे. तसेच तो, असोसिएशन आॅफ चार्टर्ड अल्टरनेटिव इन्व्हेस्टमेंट अ‍ॅनालिस्टचा सदस्य असून, युएईमधील कॅपिटल मार्केटचा डायरेक्टर हेड आहे.