Throwback Story: रेखा आणि अमिताभ बच्चन यांचा लव्ह सीन बघून जया बच्चन यांची झाली होती अशी अवस्था

बॉलिवूड मेगास्टार अमिताभ बच्चन (Amitabh Bachchan) आणि रेखा  (Rekha) यांची जोडी त्यांच्या काळातील सुपरहिट जोडी आहे. हा तो काळ होता जेव्हा रेखा आणि अमिताभ यांच्या अफेअरच्या चर्चा सगळीकडे होत होत्या. जया बच्चन  (Jaya Bachchan) यांच्या विरोधानंतर दोघे वेगळे झाले. अमिताभ आणि रेखा यांची केमिस्ट्री चाहत्यांना खूप आवडायची. मात्र हे पाहून जया बच्चन फार दु:खी व्हायच्या.  एकदा मोठ्या पडद्यावर अमिताभ आणि रेखाचा लव्ह सीन पाहून जया बच्चन यांच्या डोळ्यात पाणी आले.

ही तेव्हाची गोष्ट आहे ज्यावेळी अमिताभ बच्चन आणि रेखा यांच्या जोडाची मुकद्दर का सिकंदर (Muqaddar Ka Sikandar) हा चित्रपट आला. खुद्द रेखा यांनी  एका मुलाखतीत याचा खुलासा केला होता. एवढेच नाही तर रेखा: द अनटोल्ड स्टोरी Rekha The Untold Story) या त्यांच्या  पुस्तकातही ही गोष्ट लिहिली आहे. हे पुस्तक यासिर उस्मान यांनी लिहिले आहे. रेखा यांच्याशी संबंधित अनेक न ऐकलेल्या गोष्टी या पुस्तकात लिहिल्या आहेत.

रेखा यांनी स्टार डस्टला दिलेल्या मुलाखतीत सांगितले की, एकदा मुकद्दर का सिकंदर (Muqaddar Ka Sikandar)  चित्रपटाच्या ट्रायल शोमध्ये अभिनेता आपल्या संपूर्ण कुटुंबासह तेथे पोहोचला होता. रेखा प्रोजेक्शन रूममधून हा चित्रपट पाहत होत्या. जया बच्चन पुढच्या रांगेत तर अमिताभ आपल्या आई-वडिलांसोबत मागच्या रांगेत बसले होते. त्यांना जया बच्चन स्पष्ट दिसत नव्हत्या, पण रेखा मात्र त्यांना पाहू शकत होत्या. रेखा म्हणाल्या की, जेव्हा आमचा लव्ह सीन पडद्यावर आला तेव्हा मला त्यांच्या चेहऱ्यावरचे अश्रू दिसत होते.

रेखा यांनी सांगितले की, यानंतर एका आठवड्यानंतर इंडस्ट्रीतील लोक मला सांगत होते की, अमिताभ बच्चन यांनी माझ्यासोबत काम करणार नसल्याचे त्यांच्या निर्मात्यांना स्पष्ट केले आहे, पण जेव्हा मी त्यांना विचारले तेव्हा त्यांनी सांगितले मला यावर विषयावर गप्प केलं.  माझ्याशी त्याबद्दल बोलू नको. मात्र, तीन वर्षांनंतर पुन्हा एकदा या तिघांची जोडी मोठ्या पडद्यावर दिसली. यश चोप्राच्या सिलसिला या चित्रपटात अमिताभ बच्चन यांच्यासोबत रेखा आणि जया या दोघीही मोठ्या पडद्यावर एकत्र दिसल्या होत्या.