सलमान खानसमोर ढसाढसा रडू लागली होती कतरिना कैफ, मध्येच थांबवावं लागले होतं शूटिंग

सलमान खान आणि कतरिना कैफ यांचा बहुप्रतिक्षित चित्रपट 'टायगर 3' ची चाहते आतुरतेने वाट पाहत आहे.

अभिनेता सलमान खान आणि कतरिना कैफ यांचा बहुप्रतिक्षित चित्रपट 'टायगर 3' ची चाहते आतुरतेने वाट पाहत आहे. दिवाळीत हा सिनेमा प्रेक्षकांच्या भेटीला येणार आहे. 'टायगर 3' ट्रेलर १६ ऑक्टोबरला रिलीज होणार आहे. सलमान खानसोबतकतरिना कैफही यात मुख्य भूमिकेत झळकणार आहे. यामध्ये ती पुन्हा एकदा दमदार अ‍ॅक्शन करताना दिसणार आहे. आज  आम्ही तुम्हाला दोघांशी संबंधित एक किस्सा सांगणार आहोत.

टायगर जिंदा है रिलीजच्या वेळी हा किस्सा घडला होता. त्यावेळी सलमान आणि कतरिना वेगवेगळ्या प्लॅटफॉर्मवर त्यांच्या चित्रपटाचे जोरदार प्रमोशन करत होते. यादरम्यान दोघेही डान्स रियालिटी शो 'डान्स चॅम्पियन'च्या सेटवर पोहोचले. या शोमधील एक परफॉर्मन्स पाहून कतरिना खूप भावूक झाली आणि तिला अश्रू  अनावर झाले होते. त्यामुळे शूटिंग काहीकाळ थांबवावे लागले होते. 

 शोच्या एका स्पर्धकाने सलमानच्या 'तेरे नाम' गाण्यावर परफॉर्म केले. ते पाहून अभिनेत्रीला अश्रू अनावर झाले आणि तिला रडू कोसळले. कतरिनाची अवस्था पाहून शोचे वातावरण बदलले आणि 10 मिनिटे शूटिंग थांबवावी लागली. 

यानंतर शोचे शूटिंग सुरू झाल्यावर सलमान खानने कतरिनाचा मूड बदलण्याचा पूर्ण प्रयत्न केला आणि तो थेट स्टेजवर गेला. सुलतान चित्रपटातील जग घूम्या या गाण्यावर त्याने डान्स केला, सलमानचा डान्स पाहून अभिनेत्रीच्या चेहऱ्यावर पुन्हा हसू आलं.   टायगर जिंदा है हा सलमानच्या करिअरमधील सर्वात हिट चित्रपटांपैकी एक आहे.

या चित्रपटाने बॉक्स ऑफिसवर जोरदार कमाई केली होती. हा चित्रपट अली अब्बास जफरने दिग्दर्शित केला होता. प्रदर्शित झाल्यानंतर या चित्रपटाने भारतात तसेच परदेशातही मोठा व्यवसाय केला. सलमानला अॅक्शन अवतारात पाहिल्यानंतर चाहत्यांच्या आनंदाला सीमाच उरली नाही. टायगर 3 बद्दल बोलायचे झाले तर याचे दिग्दर्शन मनीष शर्मा यांनी केले आहे. याआधी त्याने शाहरुख खानसोबत फॅन्स बनवले होते.