कधी जान्हवी कपूर तर कधी न्यासा देवगण...;स्टार किड्ससोबत दिसणारा 'ओरी' आहे तरी कोण? जाणून घ्या...

कधी सारा अली खानसोबत नाव जोडले गेले तर कधी जान्हवी कपूरसोबत...आता न्यासा देवगणसोबत फोटो व्हायरल

Bollywood Party: अजय देवगण आणि काजोलची मुलगी न्यासा देवगणच्या न्यू इयर सेलिब्रेशनच्या फोटोंनी सोशल मीडियावर धुमाकूळ घातलाय. यावेळी ती तिचा बेस्ट फ्रेंड ओरहान उर्फ ओरी अवतारमाणीसोबत (Orhan Awatramani) पार्टी एन्जॉय करताना दिसतीय. दुसरीकडे, जान्हवी कपूर बर्‍याचदा ओरहान अवतारमणीसोबत स्पॉट झाली आहे. ओरहान आणि जान्हवी चांगले मित्र आहेत. ओरीचे या स्टार किड्ससोबतचे फोटो पाहून अनेकजण संभ्रमात पडले आहेत की, ओरहान न्यासा आणि जान्हवी, या दोघींपैकी नेमका कुणाचा बॉयफ्रेंड आहे? की हे तिघे फक्त चांगले मित्र आहेत. आज आम्ही तुम्हाला ओरहान अवतारणीबद्दल सांगणार आहोत. 

कोण आहे ओरहान अवतारमणी?
ओरहान अवतारमणि एका उद्योगपतीचा मुलगा आहे. तो स्टार किड्सच्या खास मित्रांपैकी एक आहे. ओरहान अनेकदा मोठ्या स्टार्स किड्ससोबत दिसतो. ओरहानचे टोपण नाव 'ओरी' आहे. ओरहानला पार्ट्यांचा शौक असून तो अनेकदा मोठ्या पार्ट्यांमध्ये दिसतो. ओरहान अनेकदा त्याच्या इन्स्टा हँडलवर स्टार किड्ससोबतचे फोटो शेअर करत असतो. त्याचे आणि सारा अली खानचेही अनेक फोटो पाहण्यात आले आहेत. याआधी ओरी सारा अली खानला डेट करत असल्याची बातमी आली होती. नंतर त्याचे नाव जान्हवीसोबत जोडले गेले आणि आता तो न्यासासोबत दिसत आहे.

ओरहान अवतारमणी हा सोशल मीडिया अॅक्टिव्हिस्ट आणि प्रशिक्षित अॅनिमेटर आहे. ओरी टॉम फोर्ड, व्हिजन ऑफ सुपर आणि प्राडा यांसारख्या काही मोठ्या ब्रँडशी देखील जोडला आहे. ओरी केवळ बॉलिवूडमध्येच नाही तर हॉलिवूडमध्येही ओळखला जातो. अलीकडेच मुकेश अंबानी यांचा मुलगा अनंत अंबानीच्या एंगेजमेंट पार्टीतही ओरहान दिसला होता.