​लाडका तैमूर कुणासारखा दिसतो? यावरून भांडताहेत सैफ अन् करिना!

करिना कपूर आणि तिचा लाडका हबी सैफ अली खान यांच्यात सध्या एका गोष्टीवरून चांगलेच मतभेद निर्माण झाले आहेत. अर्थात ...

क�

��िना कपूर आणि तिचा लाडका हबी सैफ अली खान यांच्यात सध्या एका गोष्टीवरून चांगलेच मतभेद निर्माण झाले आहेत. अर्थात हे मतभेद फार टोकाचे नसल्याचे घाबरण्याचे कारण नाही. करिना व सैफ अलीकडे एकाच गोष्टीवरून एकमेकांशी वाद घालताना दिसतात. होय, ते म्हणजे, लाडका तैमूर कुणासारखा दिसतो, यावरून. अनेकांना तैमूर डॅड सैफ अली खानसारखा दिसतो. तर काहींनी त्याच्यात करिनाची छबी दिसते. अर्थात करिना व सैफचे मत मात्र यापेक्षा पूर्णपणे वेगळे आहे.
अलीकडे एका मुलाखतीत करिनाने स्वत:च हे सांगितले. तैमूर कसा दिसतो, यावरून सध्या सैफ व मी अलीकडे भांडत असतो. तो पतौडीसारखा दिसतो की कपूरसारखा, हाच आमचा वादाचा विषय असतो. तैमूरमध्ये आम्हा दोघांमधीलही चांगल्या गोष्टी उतरल्या आहेत. पण माझे म्हणाल तर तो कपूर दिसतो, असे मला वाटते. त्याचे निळे डोळे मला माझ्या आजोबांची आणि करिश्माची आठवण करून देतात. मला अनेकदा त्यात माझे डॅड दिसतात. सैफ मात्र हे मानायला तयार नाही. त्याच्या मते, तैमूर पतौडीप्रमाणे दिसतो. या एकाच गोष्टीवरून आमच्यात मतभेद आहेत, असे करिना यावेळी म्हणाली. 
तैमूर अली खान कुठल्या सेलिब्रिटीपेक्षा कमी नाही. अगदी तैमूरची पहिली झलक आली अन सगळेच त्याच्या प्रेमात पडलेत. क्यूट स्माईल, गोलमटोल गाल आणि सुंदर निळे डोळे अशा गोंडस तैमूरच्या कोण प्रेमात पडणार नाही? आई करिना कपूर खानसोबत अलीकडे तैमूर बराच बाहेर पडायला लागला आहे आणि केवळ घराबाहेरच नाही तर स्वत:चे सेलिब्रिटी स्टेट्सही मिरवू लागला आहे.