​आता कुणाच्या प्रेमात पडली सुश्मिता सेन?

म�

��जी मिस युनिव्हर्स सुश्मिता सेन ही पुन्हा एकदा प्रेमात पडलीय. होय,सुश्मिताच्या आयुष्यात पुन्हा कुणाची तरी चाहूल लागलीय. हे आम्ही नाही तर स्वत: सुश्मितानेच जगजाहिर केलेय. अर्थात सुश्मिताच्या आयुष्यात नव्याने प्रेम घेऊन आलेली ही व्यक्ती कोण, हे अद्याप स्पष्ट झालेले नाही. पण या व्यक्तीच्या येण्याने सुश्मिता कमालीची सुखावलीयं, हे मात्र खरेय.



या व्यक्तीने टीपलेले अनेक फोटो सुश्मिताने सोशल मीडियावर शेअर केले आहेत. ‘नॉट द पिक्चर...द फिलींग...हॅपी वीकेंड, ब्युटिफुल पिपल. आय लव्ह यू...’अशा शब्दांत सुश्मिताने तिच्या भावना बोलून दाखवल्या आहेत.
खरे तर सुश्मिताच्या आयुष्यात याआधी अनेकजण आलेत. सुश्मिताने आपल्या रिलेशनशिपबद्दल कधीही काहीही लपवले नाही. इंडस्ट्रीत नवखी असताना सुश्मिता व विक्रम भट्ट या दोघांच्या प्रेमाच्या चर्चा  रंगल्या होत्या. सुश्मितासाठी विक्रमने आपल्या पत्नी व मुलीलाही सोडले होते. पण इतके करूनही सुश्मिता विक्रमच्या आयुष्यात टिकली नाही. पुढे विक्रमने या रिलेशनशिपबद्दल पश्चातापही व्यक्त केला होता. विक्रमनंतर सुश्मिताच्या आयुष्यात रणदीप हुड्डाची एन्ट्री झाली. सुश्मिताची दत्तक मुलगी रेनी हिलाही रणदीप आवडायचा. पण काही वर्षांत या रिलेशनशिपचाही शेवट झाला. अलीकडे रणदीप सुश्मितासोबतच्या या रिलेशनशिपवर बरेच काही बोलला होता. मी व सुश्मिता तीन वर्षे रिलेशनशिपमध्ये होतो. तिची मोठी मुलगी रेनीसोबत माझे ट्युनिंग खूप चांगले होते. ते दिवस मी खूप मिस करतो, असे रणदीप म्हणाला होता.

ALSO READ : सुश्मिता सेनने ‘या’ क्रिकेटपटूला म्हटले, ‘आय लव्ह यू’!

रणदीपनंतर अगदी अलीकडे सुश्मिता मनिष मल्होत्राच्या पार्टीत एका तिच्यापेक्षा कमी वयाच्या तरूणासोबत दिसली होती. सुश्मिता या तरूणाच्या खूप क्लोज आहे, अशी चर्चा आहे. पण सुश्मिताचे फोटो टिपणारी व्यक्ती म्हणजे हाच तो तरूण आहे, हे आम्हाला दाव्यानिशी सांगता येणार नाही. कदाचित सुश्मिताच आज-उद्या त्याचे नाव सांगेल. तोपर्यंत अर्थातच प्रतीक्षा.