​‘टायगर जिंदा है’च्या ट्रेलरमध्ये सलमान खानला कडवी टक्कर देणारा हा खलनायक कोण?

‘टायगर जिंदा है’चा ट्रेलर रिलीज झालाय. सलमान खान, कॅटरिना कैफ आणि धमाकेदार अ‍ॅक्शन अशा सगळ्यांत बाबतीत हा ट्रेलर ब्लॉकबस्टर आहे. पण सलमान व कॅटशिवाय ट्रेलरमध्ये आणखी एक दमदार पात्र आहे, ज्याने सगळ्यांचे लक्ष वेधून घेतलेयं.

‘�

��ायगर जिंदा है’चा ट्रेलर रिलीज झालाय. सलमान खान, कॅटरिना कैफ आणि धमाकेदार अ‍ॅक्शन अशा सगळ्यांत बाबतीत हा ट्रेलर ब्लॉकबस्टर आहे. पण सलमान व कॅटशिवाय ट्रेलरमध्ये आणखी एक दमदार पात्र आहे, ज्याने सगळ्यांचे लक्ष वेधून घेतलेयं. होय, हे पात्र आहे चित्रपटाचा खलनायक अबु उस्मान.



अबु उस्मानचे कॅरेक्टर जबरदस्त असणार, हे ट्रेलर पाहून कळतेय. केवळ इतकेच नाही तर हे कॅरेक्टर सलमानला कडवी टक्कर देतानाही दिसणार आहे. आता हे कॅरेक्टर साकारणारा कलाकार कोण? हे जाणून घेण्याची उत्सुकता तुमच्या मनात असेल. तर या अभिनेत्याचे नाव आहे सज्जद डेलाफ्रूज. होय, सज्जद हा एक इराणी अभिनेता आहे. सज्जद यापूर्वी अक्षय कुमारच्या ‘बेबी’ या चित्रपटात दिसला होता.



‘बेबी’चा एक सीन तुम्हाला कदाचित आठवत असेल तर त्यात सज्जद एक लहानशी भूमिका करताना दिसला होता. अक्षय आणि त्याची टीम एका कुख्यात गुन्हेगाराला भारतात आणू इच्छिते. या गुन्हेगाराला तपासण्यासाठी एक डॉक्टर येतो. हा डॉक्टर म्हणजेच सज्जद होता. होय, सज्जदने ‘बेबी’मध्ये डॉक्टरची भूमिका साकारली होती. सज्जद दुबईत राहतो आणि इराणमधील अनेक टीव्ही शो व चित्रपटांमध्ये त्याने काम केलेय. ‘टायगर जिंदा है’मध्ये सज्जदने एका अतिरेक्याची भूमिका साकारली आहे. एका भावनाहिन धूर्त मास्टरमार्इंडच्या भूमिकेत तो दिसणार आहे. पण खºया आयुष्यात सज्जद एकदम लाघवी आहे. सज्जदची एक झलक पाहायची असेल तर ‘टायगर जिंदा है’चा ट्रेलर तुम्ही पुन्हा एकदा बघायला हवा.



ALSO READ: जबरदस्त अ‍ॅक्शन; दमदार डायलॉग ! ‘टायगर जिंदा है’चा ट्रेलर आला!!

‘टायगर जिंदा है’ हा चित्रपट ‘एक था टायगर’चा सीक्वल आहे. सलमान व कॅटरिना कैफचा ‘एक था टायगर’ हा चित्रपट कबीर खानने  दिग्दर्शित केला होता. हा चित्रपट तुफान गाजला होता.  पण हा चित्रपट कबीरऐवजी अली अब्बास जफर दिग्दर्शित करतो आहे. ‘टायगर जिंदा है’च्या ट्रेलरला प्रेक्षकांचा अभूतपूर्व प्रतिसाद मिळतोय. केवळ तासाभरात पाच लाखांवर हा ट्रेलर पाहिलाय.