या अभिनेत्यांचा शर्टलेस लूक रुपेरी पडद्यावर धुमाकूळ घालेल?
By ऑनलाइन लोकमत | Published: May 15, 2017 08:17 AM2017-05-15T08:17:08+5:302017-05-15T13:47:08+5:30
सिनेमातील सीनमध्ये शर्टलेस होणं हे काही नवं राहिलं नाही. दबंग खान सलमान खाननं शर्टलेस होत आपली पिळदार बॉडीचं दर्शन ...
या अभिनेत्यांचा शर्टलेस लूक रुपेरी पडद्यावर धुमाकूळ घालेल?
Next सुशांतसिंह राजपूत
.jpg)
सुशांतसिंह राजपूतने छोट्या पडद्यापासून आपल्या अभिनय कारकिर्दीची सुरुवात केली. कामावरील निष्ठा आणि अभिनय कौशल्याच्या जोरावर त्यानं आपलं एक वेगळं स्थान निर्माण केलं. काय पो छे पासून ते लवकरच रुपेरी पडद्यावर झळकणा-या राबता या सिनेमासाठी सुशांतसिंह राजपूतवर कौतुकाचा वर्षाव होतो आहे. अभिनयासोबतच सुशांतने आपल्या बॉडीवरही प्रचंड मेहनत घेतली आहे. राबता या सिनेमात तर अभिनेत्री क्रिती सॅनॉनसोबत त्याची केमिस्ट्री चांगलीच चर्चेचा विषय ठरतेय. नुकतंच त्याच्या पिळदार बॉडीचा फोटो सोशल मीडियावर लोकप्रिय ठरला आहे.
विकी कौशल
मसान सिनेमात साधा भोळा विद्यार्थ्याची भूमिका साकारणारा अभिनेता विक्की कौशल. हाच विक्की कौशल शर्टलेस होत आपल्या हॉट अंदाजाने रसिकांचीही मनं जिंकण्यात मागं नाही. रमण राघव 2.0 या सिनेमात त्याने आपल्या निगेटिव्ह शेड असलेल्या भूमिकेनं रसिकांच्या मनात अढळ स्थान मिळवलं. सध्या राजकुमार हिरानी यांच्या संजय दत्तच्या जीवनावरील बहुप्रतिक्षित सिनेमातही विक्की भूमिका साकारणार आहे. या सिनेमातील त्याचा लूक आणि भूमिका याची माहिती गुलदस्त्यातच ठेवण्यात आली होती. मात्र काही दिवसांपूर्वी विक्की आपल्या पिळदार बॉडीचं प्रदर्शन करत असलेले फोटो अचानक सोशल मीडियावर व्हायरल झाले. या फोटोतील त्याचा शर्टलेस अंदाज सा-यांनाच भावला.
वरुण धवन
कॉमेडीचा वारसा वडिलांकडून मिळालेल्या वरुण धवनचं कॉमेडीचं टायमिंग अफलातून आहे हे सा-यांनीच रुपेरी पडद्यावर पाहिलं आहे.कॉमेडीसोबतच वरुणनं आपला अभिनय आणि बॉडीवरही विशेष मेहनत घेतली आहे. त्यामुळेच वरुण आपल्या पिळदार बॉडीचं, एब्सचं प्रदर्शन रुपेरी पडद्यावर करत असतो. सिनेमात त्याच्या बॉडीवर नायिका लट्टू होत असल्याचेही रसिकांनी पाहिलं आहे. रिल लाइफसोबतच रियल लाइफमध्येही वरुणनं आपल्या बॉडीने अनेकांना प्रभावित केलं आहे. आजच्या तरुणाईसाठी वरुण एक आदर्श आहे. फिट राहण्यासाठी जिममध्ये घाम गाळत आपल्या बॉडीवर मेहनत घेणारा वरुण अनेक तरुणांचा लाडका अभिनेता आहे. बद्रीनाथ की दुल्हनियाँ या सिनेमातील भूमिकेनं रसिकांचं मनोरंजन करणारा वरुण लवकरच जुडवाँ-2 मधून रसिकांच्या भेटीला येणार आहे. या सिनेमातही वरुणचा शर्टलेस लूक असेल आणि तो रसिकांना तितकाच भावेल असं बोललं जातंय.
सिद्धार्थ मल्होत्रा
हँडसम अभिनेता अशी ओळख असलेला सिद्धार्थ मल्होत्राने स्टुडन्ट ऑफ द इयर बनत रुपेरी पडद्यावर एंट्री मारली. अल्पावधीतच आपल्या अभिनयानं त्यानं रसिकांच्या मनात अढळ स्थान निर्माण केलं. ब्रदर सिनेमात त्यानं खिलाडी अक्षय कुमारसह तोडीस तोड अभिनयाची झलक दाखवली. अभिनयासह त्याच्या पिळदार बॉडीनेही सा-यांच्या नजरा आकर्षित केल्या. उत्तम पिळदार बॉडी असूनही त्याचं म्हणावा तसा वापर सिनेमात करण्यात आलं नसल्याचं पाहायला मिळतंय. मात्र सिद्धार्थच्या फॅन असलेल्या तरुणींनाही त्यानं जास्तीत जास्त शर्टलेस दिसावं असं नक्कीच वाटत असेल.
टायगर श्रॉफ
बॉलीवुडमध्ये सर्वात आकर्षक आणि पिळदार बॉडी असलेला आजच्या जमान्याचा अभिनेता आणि तरुणींचा लाडका म्हणजे टायगर श्रॉफ.फिटनेसबाबत सजग असलेला टायगर तासनतास जिममध्ये घाम गाळतो. फिट राहण्यासाठी व्यायामासह टायगर मैदानातही बराच वेळ घालवतो. फुटबॉल, किक बॉक्सिंगचा सराव तो करतो. जिम्नॅस्टिकही त्याचं फेव्हरेट आहे. टायगर श्रॉफ हा ब्रुस ली याचाही फॅन असून तो मार्शल आर्ट, तायक्वांदोचाही सराव करतो. आठवड्याचे सातही दिवस फिट राहण्यासाठी टायगर बरीच मेहनत घेतो. हिरोपंती या पहिल्या सिनेमापासून ते त्याचा शेवटचा फ्लाईंग जट या सिनेमापर्यंत टायगरनं आपल्या पिळदार बॉडीचं दर्शन रुपेरी पडद्यावर घडवलं आहे. आगामी मुन्ना मायकल सिनेमातही टायगरचा पुन्हा एकदा शर्टलेस अवतार तरुणाईला आणि फॅन्सना पाहायला मिळेल अशी अपेक्षा व्यक्त करण्यात येतेय.
राणा डग्गुबाती
शर्टलेस ज्या अभिनेत्यांना पाहायाला आवडेल त्यात बाहुबली सिनेमातील भल्लालदेवचाही आवर्जून उल्लेख करावा लागेल. अभिनेता राणा डग्गुबातीने आपल्या अभिनयाने रसिकांच्या मनात अढळ स्थान मिळवलंय. बाहुबली सिनेमात त्यानं साकारलेला भल्लालदेव देशातच नाही तर जगभरातील फॅन्सना भावलाय. प्रभाससमोर राणा डग्गुबातीनं साकारलेला भल्लालदेव सा-यांच्या पसंतीस पात्र ठरला. या भल्लालदेव फेम राणा डग्गुबातीनं जास्तीत जास्त सिनेमात शर्टलेस व्हावं असं त्याच्या पिळदार बॉडीकडे पाहून रसिकांना वाटेल.