Ekta Kapoor : तुम करो तो ‘लस्ट स्टोरी’, हम करे तो..., एकता कपूरने करण जोहरवर काढली भडास!!

Ekta Kapoor : अल्ट बालाजी या ओटीटी प्लॅटफॉर्मवर बोल्ड कंटेंट दाखवल्यामुळे एकता कपूरला गेल्या काही दिवसांपासून टीकांचा सामना करावा लागतोय...

टेलिव्हिजनची क्वीन म्हणून ओळखली जाणारी निर्माती एकता कपूर (Ekta Kapoor :  ) आपल्या बेधडक स्वभावासाठी ओळखली जाते. एकता वेगवेगळ्या कारणानं चर्चेत असते. पण तिची सर्वाधिक चर्चा होते की तिच्या प्रोजेक्टमधील बोल्ड कंटेंटमुळे.  अल्ट बालाजी या ओटीटी प्लॅटफॉर्मवर बोल्ड आक्षेपार्ह कंटेंट दाखवल्यामुळे एकता गेल्या काही दिवसांपासून टीकेची धनी ठरतेय.

गंदी बात, ट्रिपल एक्स, बेकाबू, रागिनी एमएमएस2 यासारख्या तिच्या बोल्ड सीरिज आणि चित्रपटांना अलीकडे सर्वोच्च न्यायालयानेही फटकारलं होतं. तुम्ही या देशातील तरूण पिढीला कलुषित करत आहात, अशा शब्दांत न्यायालयाने एकताला सुनावलं होतं. या संपूर्ण पार्श्वभूमीवर एकताने एक गर्भित इन्स्टा स्टोरी शेअर केली आहे. विशेष म्हणजे, या पोस्टमध्ये तिने अप्रत्यक्षपणे करण जोहरवर (Karan Johar ) भडास काढली आहे.

‘तुम करो तो लस्ट स्टोरीज और हम करे तो गंदी बात...,’अशी पोस्ट तिने शेअर केली आहे. या पोस्टमध्ये तिने ... हा हॅशटॅगही दिला आहे.

2020 मध्ये नेटफ्लिक्सवर ‘लस्ट स्टोरीज’ ही अँथॉलॉजी फिल्म प्रदर्शित झाली होती. यात चार वेगवेगळ्या दिग्दर्शिकांनी दिग्दर्शित केलेल्या चार कथा दाखवण्यात आल्या होत्या. या चित्रपटात महिलांच्या कामुकतेवर भाष्य करण्यात आलं होतं. यातील एक कथा करण जोहरने दिग्दर्शित केली होती. यावरून एकताने करणला अप्रत्यक्ष टोमणा मारला आहे.

एकता कपूरच्या ‘ट्रिपल एक्स’ वेबसीरीजच्या दुसऱ्या सीझनमध्ये सैनिकांच्या पत्नींवर आक्षेपार्ह दृश्ये दाखवल्याचा आरोप आहे. हे प्रकरण सध्या न्यायालयात आहे. याच प्रकरणावरच्या सुनावणीदरम्यान न्यायालयाने एकता कपूरला फटकारलं होतं. तुम्ही या देशाच्या युवा पिढीचा मेंदू दूषित करत आहात. ओटीटीवरील हा कंटेंट सर्वांसाठी उपलब्ध आहे. तुम्ही लोकांना कोणता पर्याय देत आहात, असा सवाल न्यायालयाने एकता कपूरला केला होता.