यामी गौतम इतकीच सुंदर आहे तिची बहीण सुरीली गौतम, ‘या’ चित्रपटातून करतेय बॉलिवूड डेब्यू!!

ब�

��लिवूडच्या अनेक आघाडीच्या अभिनेत्रींच्या बहीणींना तुम्ही पाहिले आहे. आज आम्ही तुम्हाला अशाच एका सुंदर अभिनेत्रीच्या तिच्या इतक्याच सुंदर बहिणीशी भेटवणार आहोत. होय, ही अभिनेत्री कोण तर यामी गौतम. होय, यामीचे गोड हसू थेट मनाला भिडतं आणि हसताना तिच्या गालावर पडणारी खळी तर थेट काळजात घर करते. याच यामीची बहीण बॉलिवूडमध्ये पदार्पण करण्याच्या तयारीत आह़े. तिचे नाव सुरीली गौतम. सुरीली ही यामीची लहान बहीण आहे. तुम्हाला ऐकून आश्चर्य वाटेल पण सुरीली ही सुद्धा एक अभिनेत्री आहे. होय, पंजाबी चित्रपटांत तिने काम केले आहे. २०१२ मध्ये ‘पॉवर कट’ या पंजाबी चित्रपटापासून सुरीलीने तिच्या करिअरची सुरूवात केली. लवकरच सुरीली बॉलिवूडमध्ये दिसणार आहे. राजकुमार संतोषीच्या चित्रपटातून ती बॉलिवूड डेब्यू करतेय. 



दिग्दर्शक राजकुमार संतोषी यांच्या यांच्या ‘बॅटल आॅफ सारागढी’ या चित्रपटात सुरीलीची वर्णी लागली आहे. या चित्रपटात रणदीप हुडा मुख्य भूमिकेत आहे.  चित्रपटाचे कथानक  १८९७ च्या लढाईत  वीरमरण आलेल्या २१ शीखांवर आधारलेले आहे.  या लढाईत ब्रिटीश आर्मीच्या शिख रेजिमेंटच्या  २१ शिपायांनी प्राणांचे बलिदान देत तब्बल दहा हजार अफगाणींना रोखून धरले होते.  रणदीप या चित्रपटात हवालदार ईश्वर सिंह याची भूमिका साकारताना दिसणार आहे. ईश्वर सिंहची पत्नी जिवानी हिच्या भूमिकेत सुरीली असणार आहे.



तुम्हाला ऐकून आश्चर्य वाटेल पण सुरीली विवाहित आहे. जसपाल भट्टी यांचा मुलगा जसराज सिंह याची ती पत्नी.



ALSO READ : यामी गौतमवर का आली मुंबई हायकोर्टात जाण्याची वेळ, वाचा सविस्तर !

कालपरवा सुरीला यामीसोबत दिसली. यावेळी दोघींनी मीडियाला मस्तपैकी पोझ दिली. ते फोटोही आम्ही तुमच्यासाठी घेऊन आलो आहोत.