KGF Chapter 3 : 1978-1981...! चार वर्ष कुठे होता रॉकी भाई? KGFच्या मेकर्सनी दिले KGF 3 चे संकेत
By ऑनलाइन लोकमत | Published: April 14, 2023 05:09 PM2023-04-14T17:09:35+5:302023-04-14T17:12:51+5:30
KGF Chapter 3 : केजीएफच्या मेकर्सनी दोन मिनिटांचा एक व्हिडीओ शेअर केला आहे. परत येतोय रॉकी भाई...
KGF Chapter 3 : 1978-1981...! चार वर्ष कुठे होता रॉकी भाई? KGFच्या मेकर्सनी दिले KGF 3 चे संकेत
Next राजा कृष्‍णप्‍पा बेरिया... उर्फ रॉकी... याच रॉकीनं मृत्यूशय्येवर असलेल्या आपल्या आईला 'एक दिन दुनिया का सारा सोना तुझे लाकर दूंगा...' असं वचन दिलं होतं. राॅकी भाईनं आईला दिलेलं हे वचन अद्याप पूर्ण झालेलं नाहीये आणि म्हणूनच रॉकी भाई संपलेला नाहीये. KGF: Chapter 2 च्या क्लायमॅक्समध्ये तुम्ही पाहिलं असेल की, रॉकी सोन्यानं लादलेल्या जहाजासोबत समुद्रात बुडतो. पण रॉकीभाईला स्वत: एक वादळ आहे. त्याच्यापुढे समुद्राच्या लाटांचा काय तो टिकाव लागणार? म्हणूनच राॅकी पुन्हा परत येतोय... होय, मेकर्सनी KGF: Chapter 3चे संकेत दिले आहेत.
आज 14 एप्रिलला KGF: Chapter 2च्या रिलीजला १ वर्ष पूर्ण झालं. यानिमित्ताने मेकर्सनी KGF: Chapter 3ची हिंट दिली आहे. मेकर्सनी 2 मिनिटांचा एक व्हिडीओ शेअर केला आहे आणि हा व्हिडीओ पाहून चाहते क्रेझी झाले आहेत.
The most powerful promise kept by the most powerful man 💥
— Hombale Films (@hombalefilms) April 14, 2023
KGF 2 took us on an epic journey with unforgettable characters and action. A global celebration of cinema, breaking records, and winning hearts. Here's to another year of great storytelling! #KGFChapter2#Yash… pic.twitter.com/iykI7cLOZZ
KGF-2 हा सिनेमा तुम्ही बारकाईने बघितला असेल तर तुम्हाला आठवत असेल की, पडद्यावर ब्लॅक स्क्रीनसह अचानक 1978 ते 1981 पर्यंतचा काळ गायब केला जातो. यानंतर रॉकी थेट कोलार गोल्ड फिल्ड्सवर दारूची बाटली पोटात रिचवताना दिसतो. आता प्रश्न हा आहे की, 1978 ते 1981 या चार वर्षांत रॉकीने काय केलं? तर केजीएफ 3 मध्ये हीच स्टोरी तुम्हाला पाहायला मिळणार आहे. याच चार वर्षाच्या अवतीभवती कथा गुंफली जाणार आहे आणि तीच केजीएफ 3 मध्ये प्रेक्षकांना बघायला मिळणार आहे. मेकर्सनी शेअर केलेला व्हिडीओतून हेच संकेत दिले आहेत.
काही रिपोर्ट्सनुसार, केजीएफ 3चं शूटींग 2025 मध्ये सुरू होणार आहे. हा सुपरस्टार यशचा १९ वा सिनेमा असेल. गेल्यावर्षी आजच्याच दिवशी केजीएफ 2 रिलीज झाला होता. या सिनेमाने बॉक्स ऑफिसवर नुसता धुमाकूळ घातला होता. या सिनेमाने वर्ल्डवाईड 1250 कोटींची कमाई केली होती. आता पुढच्या भागात रॉकी आईला दिलेलं वचन पूर्ण करू शकतो का, हे बघणं इंटरेस्टिंग असणार आहे.