तुम्ही मोफत पाहू शकता 'बाहुबली 2- द कन्क्लुजन', त्यासाठी फक्त हे करा.... !

कटप्पा ने बाहुबलीला का मारलं हे कोडं अजूनही उलगडलेलं नाही. त्याचा खुलासा होण्याची प्रतीक्षा रसिकांना लागली आहे. बाहुबली 2- ...

क�

��प्पा ने बाहुबलीला का मारलं हे कोडं अजूनही उलगडलेलं नाही. त्याचा खुलासा होण्याची प्रतीक्षा रसिकांना लागली आहे. बाहुबली 2- द कन्क्लुजन या सिनेमातून 28 एप्रिलला हे रहस्य उलगडणार आहे. हे रहस्य जाणून घ्यायची तुम्हालाही तितकीच उत्सुकता लागली असेल तर तुमच्यासाठी आम्ही एक खुशखबर घेऊन आलो आहे. तुम्ही बाहुबली 2- द कन्क्लुजन या सिनेमाचं मोफत तिकीट मिळवू शकता. मात्र त्यासाठी एक अट आहे. ती अट अशी आहे की तुम्हाला बाहुबली द बिगिनिंग पुन्हा एकदा थिएटरमध्ये जाणून पाहावा लागणार आहे. बाहुबली - द बिगिनिंग पुन्हा एकदा रुपेरी पडद्यावर रिलीज करण्याचा निर्णय दिग्दर्शक एस.एस. राजामौली आणि धर्मा प्रॉडक्शनने घेतला आहे. त्यानुसार 7 एप्रिलला हा सिनेमा रसिकांच्या भेटीला येणार आहे. सिनेमाच्या निर्मात्यांनी बाहुबली – द बिगिनिंग या सिनेमाचं एक पोस्टर रिलीज केलं आहे. त्यावर फॅन्सना ही खूशखबर देण्यात आली आहे. बाहुबली – द बिगिनिंग पाहण्यासाठी पुन्हा थिएटरमध्ये येणा-यांना बाहुबली 2- द कन्क्लुजन या सिनेमाचं तिकीट मोफत दिलं जाईल असं या पोस्टरवर नमूद करण्यात आलं आहे. जास्तीत रसिकांना बाहुबली 2- द कन्क्लुजन या सिनेमाकडे आकर्षित करण्यासाठी ही ऑफर देण्यात आल्याचं बोललं जात आहे. निर्माता-दिग्दर्शकाचा हा फंडा बाहुबली 2- द कन्क्लुजन या सिनेमाला बाहुबली – द बिगिनिंगप्रमाणे ब्लॉकबस्टर हिट करुन देण्यात यशस्वी ठरतो का हे 28 एप्रिलनंतरच स्पष्ट होईल. मात्र यानिमित्ताने सध्या देशातलं वातावरण बाहुबलीमय करण्याचा निर्माता-दिग्दर्शकाचा मानस आहे.