​यूलियाची ‘अप्रतिम’ पोस्ट कुणासाठी?

ग�

��ल्या अनेक दिवसांपासून सलमान खान आणि यूलिया वेंटर यांच्या अफेअर आणि लग्नाच्या चर्चांना ऊत आलाय. अर्थात मध्यंतरी दोघांच्या ब्रेकअपची बातमीही आली. पण यात फारसे तथ्य नसल्याचेच आम्हाला वाटतेयं. का? तर यूलियाची ताजी पोस्ट. होय, खरे तर यूलिया सध्या रोमानियाला परतली आहे. पण तिथे गेल्यानंतर सलमानच्या आठवणीने ती जरा जास्तच व्याकूळ झालेली दिसतेय. काल करवा चौथच्या मुहूर्तावर यूलियाने एक सुंदर पोस्ट सोशल मीडियावर शेअर केली आणि इतक्या दिवसांपासून थांबवलेली तिच्या व सलमानच्या नात्याची चर्चा पुन्हा सुुरू झाली. ‘God has given each one of us 2 eyes, 2 ears, 2 hands, 2 legs. To be complete we need THE matching heart. Celebrate love, it's the most beautiful gift we have. Happy Karva Choth!’, असे यूलियाने लिहिलेयं. शिवाय या पोस्टसोबत एका विवाहित जोडप्याचा फोटो शेअर केला. ‘परमेश्वराने प्रत्येकाला दोन डोळे, दोन कान, दोन हाथ, दोन पाय दिले आहेत. मात्र खºया अर्थाने पूर्ण होण्यासाठी आपल्यापैकी प्रत्येकाला एका मॅचिंग हार्टची गरज आहे,’असे यूलियाने लिहिले आहे. यूलियाच्या मते, प्रेम ही आपणा सर्वांना मिळालेली एक अनमोल भेट आहे.
यूलियाची ही पोस्ट अप्रतिम अशीच आहे. मात्र तिचा हा संदेश सलमानसाठी आहे की तिच्या चाहत्यांसाठी हे आम्हाला ठाऊक नाही. यूलियाने सलमानसाठी करवा चौथचे व्रत ठेवले की नाही, हेही आम्हाला ठाऊक नाही. कारण या प्रश्नाचे उत्तर केवळ दोनच व्यक्ति देऊ शकतात.एक तर यूलिया नाही तर खुद्द सलमान!!