दीपिका पादुकोणने रणबीर कपूरच्या नावाचा काढलेला टॅटू पुन्हा एकदा चर्चेत

दीपिका रणबीर कपूरसोबत रिलेशनशीपमध्ये असताना तिने रणबीरच्या नावाचा टॅटू मानेवर काढला होता. मात्र हा टॅटू आता तिने हटवला आहे.

ठळक मुद्देदीपिकाच्या मानेवर होता रणबीर कपूरच्या नावाचा टॅटूदीपिकाच्या मानेवरील टॅटू हटविला

अभिनेत्री दीपिका पादुकोण आणि रणबीर कपूर यांच्या रिलेशनशीपबद्दल सर्वांनाच माहित आहे. या दोघांचे किस्से आजही लोकांच्या लक्षात आहेत. ही बाब सर्वांनाच माहित आहे की दीपिका रणबीर कपूरसोबत रिलेशनशीपमध्ये असताना तिने रणबीरच्या नावाचा टॅटू मानेवर काढला होता. तिच्या मानेवर आरके असा टॅटू होता. हा टॅटू तिने रणबीर कपूरसोबत रिलेशनशीपमध्ये असताना बनवला होता.

 दीपिका नुकतीच अभिनेता रणवीर सिंगसोबत लग्नबेडीत अडकली आहे. दीपिका रणवीर सिंगसोबत बंगळुरूला होणाऱ्या रिसेप्शनसाठी जातानाचा नुकताच एक व्हिडिओ समोर आला आहे. यात दीपिकाच्या मानेवरील टॅटू नसल्याचे स्पष्ट दिसत आहे. दीपिकाचा हा टॅटू तेव्हा आणि आजही चर्चेत आहे. हा व्हिडिओ पाहिल्यानंतर दीपिकाच्या चाहत्यांच्या प्रतिक्रिया यायला सुरूवात झाली आहे. या प्रतिक्रियावरून समजते की दीपिकाचे चाहते तिने टॅटू काढून टाकल्यामुळे खूप खूश आहेत. 

दीपिका पादुकोण- रणवीर सिंग यांचा लग्नसोहळा पार पडला. हा सोहळा अतिशय खासगी असल्याने यावेळी केवळ रणवीर व दीपिकाचे अतिशय जवळचे नातेवाईक तेवढेच हजर होते. त्यामुळे लग्नसोहळ्यात सामील न होऊ शकलेल्या आप्तांसाठी दीपवीर ग्रॅण्ड रिसेप्शन देणार आहेत. येत्या २१ नोव्हेंबरला बेंगळुरू येथे आणि यानंतर २८ नोव्हेंबरला मुंबईत दीपवीरच्या लग्नाचे रिसेप्शन होणार आहे. तूर्तास यापैकी पहिल्या रिसेप्शनची जोरदार तयारी सुरु आहे. दीपिका व रणवीर आज सकाळी या रिसेप्शनसाठी बेंगळुरुला रवाना झालेत.बेंगळुरूला रवाना होण्यापूर्वीचे मुंबई विमानतळावरचे दोघांचेही फोटो तूर्तास वेगाने व्हायरल होत आहेत. विमानतळावर रणवीर व दीपिका दोघेही पांढऱ्या रंगाचे आऊटफिटमध्ये दिसले.