उफ्फ... सर्जरी की दुकान....! दिशा पाटनीचा चेहराच बदलला, व्हिडीओ पाहून चाहत्यांनी केलं ट्रोल!!

Disha Patani At Ek Villain Returns Trailer Launch : काल ट्रेलर लॉन्च इव्हेंटला ‘एक विलेन रिटर्न्स’ची अख्खी स्टारकास्ट हजर होती. अर्जुन कपूर, जॉन अब्राहम, तारा सुतारिया सगळे. पण सर्वाधिक चर्चा झाली ती दिशा पाटनीची.

Disha Patani At Ek Villain Returns Trailer Launch :  बॉलिवूड अभिनेत्री दिशा पाटनी (Disha Patani) कायम चर्चेत आहे. सध्या मात्र तिची चर्चा होतेय ती वेगळ्याच कारणानं. दिशाचा ‘एक विलेन रिटर्न्स’  (Ek Villain Returns) हा सिनेमा लवकरच प्रदर्शित होतोय, हे तुम्हाला ठाऊक आहेच. कालच या चित्रपटाचा ट्रेलर लॉन्च झाला. या ट्रेलर लॉन्च इव्हेंटला ‘एक विलेन रिटर्न्स’ची अख्खी स्टारकास्ट हजर होती. अर्जुन कपूर (Arjun Kapoor), जॉन अब्राहम (John Abraham), तारा सुतारिया  (Tara Sutaria) सगळे. पण सर्वाधिक चर्चा झाली ती दिशा पाटनीची. ब्लॅक कलरचा रिव्हीलिंग ड्रेस घालून दिशा या इव्हेंटमध्ये पोहोचली. ती कमालीची सुंदर दिसत होती. पण तरिही एक गोष्ट चाहत्यांना खटकलीच. होय, दिशा काहीशी बदलेली दिसली.   मग काय, सोशल मीडियावर याची चर्चा झाली होती. ही नॅचरल ब्युटी होती. आधी किती सुंदर दिसायची आणि आता कशी दिसतेय? अशा कमेंट्स चाहत्यांनी दिल्यात.

View this post on Instagram

A post shared by Viral Bhayani (@viralbhayani)

दिशा पाटनीच्या नोज आणि लिप सर्जरीची चर्चा बऱ्याच दिवसांपासून सुरू आहेत. दिशा  मात्र अद्याप यावर काहीही बोललेली नाही. पण तिचे आधीचे फोटो आणि आत्ताचे फोटो यात बराच मोठा आहे आणि तो फरक स्पष्ट दिसतोय. 

 ‘एक विलेन रिटर्न्स’च्या ट्रेलर लॉन्च इव्हेंटमधील दिशाचे काही फोटो आणि व्हिडीओ समोर आलेत आणि ते पाहून चाहत्यांनी वेगवेगळ्या कमेंट्स दिल्यात. ‘हिचा चेहरा असा का दिसतोय?, अशी कमेंट एका युजरने केली. काहींनी तिने लिप सर्जरी केल्याचं म्हटलं. ‘उफ्फ सर्जरी की दुकान’, अशा शब्दांत एका युजरने दिशाला ट्रोल करण्याचा प्रयत्न केला. काहींनी तिच्या कपड्यांवरून तिला ट्रोल केलं. यामुळे अनेकांनी तिची तुलना उर्फी जावेदशी केली.

‘एक विलेन रिटर्न्स’मध्ये दिले बोल्ड सीन्स
‘एक विलेन रिटर्न्स’चा ट्रेलर रिलीज झाला आहे. या चित्रपटात दिशा पाटनी जॉन अब्राहमसोबत दिसणार आहे. यात दिशाने जॉनसोबत अनेक बोल्ड व इंटिमेट सीन्स दिले आहेत. ‘एक विलेन रिटर्न्स’ हा चित्रपट येत्या 29 जुलैला रिलीज होतोय. हा 2014 मध्ये प्रदर्शित ‘एक विलेन’चा सीक्वल आहे.