"इतरांचा जीव धोक्यात घालू नका...", मालेगावच्या थिएटरमधल्या घटनेनंतर सलमान खानचं चाहत्यांना आवाहन

सलमान(Salman Khan)चा बहुप्रतिक्षित चित्रपट 'टाइगर ३' (Tiger 3) अखेर दिवाळीच्या मुहूर्तावर १२ नोव्हेंबरला थिएटरमध्ये प्रदर्शित झाला आहे. दरम्यान, सोशल मीडियावर एक व्हिडीओ व्हायरल होत असून यात सलमानचे चाहते थिएटरमध्ये फटाके फोडत असल्याचे दिसत आहेत.

बॉलिवूडचा दबंग खान सलमान(Salman Khan)चा बहुप्रतिक्षित चित्रपट 'टाइगर ३' (Tiger 3) अखेर दिवाळीच्या मुहूर्तावर १२ नोव्हेंबरला थिएटरमध्ये प्रदर्शित झाला आहे. स्पाय थ्रिलर टाइगर मालिकेतील हा तिसरा आणि YRF स्पाय युनिव्हर्समधील पाचवा चित्रपट आहे. या चित्रपटाने दिवाळीत प्रदर्शित होताच बॉक्स ऑफिसवर धुमाकूळ घातला आहे. या चित्रपटाला चाहत्यांचा चांगला प्रतिसाद मिळाला. काही काळापूर्वी या चित्रपटाशी संबंधित एक व्हिडिओ व्हायरल झाला होता, ज्यामध्ये भाईजानचे चाहते थिएटरमध्ये फटाके फोडताना दिसत होते. यावर आता खुद्द सलमान खानने प्रतिक्रिया दिली आहे. 

सोशल मीडियावर व्हायरल झालेल्या व्हिडिओमध्ये सलमानच्या चाहत्यांनी सिनेमा हॉलमध्ये फटाके फोडत असल्याचे दिसत आहेत. 'टायगर ३'चे काही उत्तम सीन्स सिनेमाच्या पडद्यावर झळकत आहेत, ज्यामध्ये सलमान खान अॅक्शन अवतारात दिसत आहे. यादरम्यान चाहते खूप उत्साहित झाले आणि सलमानचा जयजयकार करू लागले. शिट्ट्या वाजवताना चाहत्यांनी अचानक फटाके फोडायला सुरुवात केली. मात्र, सोशल मीडियावर सलमानच्या चाहत्यांच्या या कृतीला लोक कडाडून विरोध करत असून याला गुंडगिरी म्हणत आहेत.

भाईजानने चाहत्यांना केलं आवाहन
आता सलमान खानने स्वतः पुढे येऊन या व्हिडिओवर आपली प्रतिक्रिया दिली आहे. सलमानने त्याच्या अधिकृत सोशल मीडिया हँडलवर लिहिले की, 'टाइगर३च्या दरम्यान मी थिएटरमध्ये फटाके फोडल्याची घटना ऐकली आहे. ते खूप धोकादायक आहे. स्वतःचा आणि इतरांचा जीव धोक्यात न घालता चित्रपटाचा आनंद घ्या आणि सुरक्षित रहा.

I'm hearing about fireworks inside theaters during Tiger3. This is dangerous. Let's enjoy the film without putting ourselves and others at risk. Stay safe.

— Salman Khan (@BeingSalmanKhan) November 13, 2023

वर्कफ्रंट...
सलमान खानचा 'टायगर ३' चित्रपटगृहांमध्ये दमदार कामगिरी करत आहे. या चित्रपटाला चाहत्यांचा सकारात्मक प्रतिसाद मिळत आहे. वर्कफ्रंटबद्दल सांगायचे तर या चित्रपटानंतर सलमान लवकरच सूरज बडजात्याच्या चित्रपटात आणि धर्मा प्रॉडक्शनच्या बॅनरखाली बनत असलेल्या विष्णुवर्धनच्या चित्रपटात दिसणार आहे.