विदेशातून आला स्वप्नातला जोडीदार !

भारतीय नायिकांचे लाखो चाहते या देशात राहात असताना, अनेक नायिकांनी आपला स्वप्नातला राजकुमार मात्र विदेशातील निवडला आहे. काहींनी तर लग्न झाल्यावर आपले बिऱ्हाडच आपल्या जीवलगाच्या देशात हलवले आहे. प्रीती झिंटानेही हाच कित्ता गिरवला आहे. तिचा पतीही विदेशातील आहे. प्रीतीच्या या लग्नाने बॉलीवूडमधील त्या सर्व नायक-नायिकांच्या लग्नकथा नव्याने चर्चिल्या जात आहेत, ज्यांनी सातासमुद्रापार जाऊन आपला जीवनसाथी शोधला आहे. वाचा कोणकोण आहे यात यादीत....
असे करणाऱ्यांमध्ये पहिले नाव शशी कपूरचे आठवते, ज्याने ब्रिटेनहून आलेल्या जेनिफरश्ी लग्न केले. सलमान खानचे वडील सलीम खान यांनी बॉलीवूडच्या चित्रपटात डान्सर म्हणून यशस्वी झालेल्या हेलनला आपल्या दुसऱ्या पत्नीचा दर्जा दिला. अजगरशी लपेटून एका जाहिरातीचा फोटो काढून हंगामा करणारे मिलिंद सोमण आणि त्याची पत्नी मधु सप्रे, दोघेही आता विदेशी जीवनसाथीसोबत जीवन जगत आहेत. मिलिंदने मैलियन जैंपारेईशी लग्न केले, जी एक आईरिश मॉडेल होती, तर मधु सप्रेचे पती ग्यान मारिया इटलीचे यशस्वी उद्योजक मानले जातात. आपल्या काळातील आणखी एक प्रसिद्ध मॉडेल शीतल मल्हारने इटलीचा फुटबॉल खेळाडू नावो जेवारिक्सला आपला जीवनसाथी बनविले. सुचित्रा पिल्लैचे पती डेन्मार्क मध्ये इंजिनीयर म्हणून काम करणारा होता. त्याचे नाव लार्स कैजिल्डसन आहे. ही यादी सेलिना जेटलीच्या नावाशिवाय पूर्ण होणार नाही. हॉट नायिका म्हणून आपली इमेज बनविणाऱ्या सेलिनाने आॅस्ट्रेलियात राहणाऱ्या पीटर हगला पती म्हणून निवडले आणि दुबईमध्ये स्थायिक झाली. सेलिना आता दोन जुळया मुलांची आई आहे आणि आपल्या घरगुती जीवनात व्यस्त आहे.