'टाइगर ३'मधील इमरान हाश्मीचे कापले सीन?, या अभिनेत्याने केला दावा - "रागावलाय टाइगरचा व्हिलन"

'टाइगर ३' (Tiger 3) चा ट्रेलर नुकताच रिलीज झाला आहे. या चित्रपटात इमरान हाश्मी(Emraan Hashmi), सलमान खान (Salman Khan) आणि कतरिना कैफ(Katrina Kaif)सोबत दिसणार आहे. या चित्रपटात तो खलनायकाच्या भूमिकेत आहे. टायगर ३च्या ट्रेलरमध्येही त्याची खलनायकी शैली पाहायला मिळाली. मात्र, चित्रपटाच्या ट्रेलरमध्ये इमरान हाश्मी अगदी शेवटी दिसतो आहे. दरम्यान, टायगर ३ मधील इमरान हाश्मीच्या भूमिकेबाबत मोठी बातमी समोर आली आहे, ज्यामुळे प्रेक्षक आणि अभिनेत्याचे चाहते चकित होऊ शकतात.

वास्तविक, स्वत:ला चित्रपट समीक्षक म्हणवणारा बॉलिवूड अभिनेता केआरके (कमल आर खान) याने दावा केला आहे की टाइगर ३मध्ये इमरान हाश्मीचे अनेक सीन कापले गेले आहेत, ज्यामुळे तो संतापला आहे. केआरकेने त्याच्या अधिकृत सोशल मीडिया अकाऊंटवर लिहिले की, 'इमरान हाश्मी यशराज फिल्म्सवर टायगर ३ मधील आपली भूमिका कापून फसवल्याचा आरोप करत आहे. इमरान जवळपास वर्षभरापासून या चित्रपटाची वाट पाहत होता. कारण टायगर ३ रिलीज झाल्यानंतर तो सुपरस्टार होईल असे त्याला वाटत होते, पण आता इमरानकडे चित्रपटात फार कमी सीन्स शिल्लक आहेत.

News:- Emraan Hashmi is accusing #YRF for cutting his role from #Tiger3 n cheating him. Emraan was waiting for almost a year for this film. Because he was thinking that he will become a superstar after release of Tiger3. But now Emraan has left with very few scenes in the film.

— KRK (@kamaalrkhan) October 15, 2023

तथापि, टायगर ३च्या निर्मात्यांनी किंवा इमरान हाश्मीने असे आरोप केलेले नाहीत. चित्रपटाच्या ट्रेलरबद्दल बोलायचे झाले तर टायगर ३चा ट्रेलर रिलीज होताच सोशल मीडियावर व्हायरल होत आहे. ट्रेलरची सुरुवात इमरान हाश्मीच्या डायलॉगने होते. यानंतर सलमान खान आणि कतरिना कैफ दाखवले आहेत. यावेळी टायगर देश आणि त्याचे कुटुंब या दोघांसाठीही लढताना दिसणार आहे.