Badhai Ho Trailer: अखेर आयुषमान खुरानाने 'बधाई हो'चा केला खुलासा

Badhai Ho Trailer: काही दिवसांपूर्वी 'दंगल गर्ल' सान्या मल्होत्रा हिने आयुषमानच्या ट्विटर अकाऊंटवर 'बधाई हो'चा हॅशटॅग वापरून आयुष्मानला शुभेच्छा देण्याचे आवाहन केले होते. त्यानंतर त्याच्या अकाऊंटवर बॉलिवूडसह चाहत्यांनी त्याच्यावर शुभेच्छांचा वर्षाव केला होता.

ठळक मुद्देसान्या मल्होत्राने वापरला अनोखा फंडा'बधाई हो' या चित्रपटात आयुषमान खुराना व सान्या मल्होत्रा मुख्य भूमिकेत'बधाई हो' १९ ऑक्टोबरला प्रेक्षकांच्या भेटीला

गेल्या काही दिवसांपासून बॉलिवूड अभिनेता आयुषमान खुरानाच्या ट्विटर अकाऊंटवर बॉलिवूडकरांनी शुभेच्छांचा वर्षाव केला होता. या शुभेच्छांच्या पाठीमागचे कारण मात्र कोणालाच माहित नव्हते. शेवटी आता आयुष्माननेच ही आनंदाची बातमी काय आहे, हे चाहत्यांना सांगितली आहे. 

काही दिवसांपूर्वी 'दंगल गर्ल' सान्या मल्होत्रा हिने आयुषमानच्या ट्विटर अकाऊंटवर 'बधाई हो'चा हॅशटॅग वापरून आयुष्मानला शुभेच्छा देण्याचे आवाहन केले होते. त्यानंतर त्याच्या अकाऊंटवर बॉलिवूडसह चाहत्यांनी त्याच्यावर शुभेच्छांचा वर्षाव केला होता. त्यामुळे आयुषमानही चक्रावला होता. मात्र, आता त्याने त्याबाबतचा खुलासा केला आहे. आयुषमानचा नवा चित्रपट प्रेक्षकांच्या भेटीस येत आहे. या चित्रपटाचे नाव 'बधाई हो' असे आहे. आयुष्मानने त्याच्या ट्विटरवर या चित्रपटाचे पोस्टर शेअर करून अखेर ती आनंदाची बातमी काय होती, हे सांगितले आहे. यावर त्याने मजेदार कॅप्शनही दिले आहे. त्याने लिहिले आहे की, 'बधाई हो, खुशखबरी आहे. तुम्ही सगळे काय विचार करत होता?'

 

Dekh lo sab log! Jaanni thi na 'khush khabri'? Here's the trailer of #BadhaaiHo! https://t.co/NpROvboR6i@sanyamalhotra07@raogajraj#NeenaGupta@BadhaaiHoFilm@cinemapuradesi@JungleePictures@ChromePicturespic.twitter.com/FbV2ANI0qG

— Ayushmann Khurrana (@ayushmannk) September 11, 2018

तसेच या सिनेमाचा ट्रेलर नुकताच सोशल मीडियावर प्रदर्शित करण्यात आला आहे. 

'बधाई हो' या चित्रपटात त्याच्यासोबत सान्या मल्होत्रा मुख्य भूमिकेत दिसणार आहे. त्यामुळेच चित्रपटाबद्दल चाहत्यांना उत्सुकता निर्माण व्हावी, म्हणून तिने हा अनोखा फंडा वापरला होता. तिनेही या चित्रपटाचे पोस्टर शेअर करून, 'आणखी प्रचंड धमाल येणार आहे', असे चाहत्यांना सांगितले आहे.
या चित्रपटाचा पहिला लूकही समोर आलाय. या पोस्टरमध्ये सान्या मल्होत्रा, आयुष्मान खुराना, सुरेखा सिक्री, गजराज राव हे कलाकार दिसत आहेत. या चित्रपटाचे दिग्दर्शन अमित शर्मा करत आहेत. १९ ऑक्टोबरला हा चित्रपट प्रदर्शित होणार आहे.