सई ताम्हणकर आणि अलका कुबल यांच्यासोबत झळकणार गौतमी पाटील? तो व्हिडिओ चर्चेत

सोशल मीडिया स्टार आणि लावणी डान्सर असलेल्या गौतमी पाटील(Gautami Patil) नखरेल अदांनी गौतमी चाहत्यांना घायाळ करत असते. सध्या तिचा सोशल मीडियावरील एक व्हिडीओ चर्चेत आला आहे.

सोशल मीडिया स्टार आणि लावणी डान्सर असलेल्या गौतमी पाटील(Gautami Patil)ला सध्या कोणत्याही परिचयाची गरज नाही. नखरेल अदांनी गौतमी चाहत्यांना घायाळ करत असते. तिचा फॅन फॉलोव्हिंग खूप आहे. गौतमी सोशल मीडियावरही प्रचंड सक्रीय असल्याचं पाहायला मिळतं. अनेकदा गौतमी ट्रेंडिंग गाण्यावरील रील्सही शेअर करताना दिसते. तिचे हे व्हिडीओ चर्चेत येत असतात. गौतमीने अमेय वाघ आणि अमृता खानविलकर यांच्या 'लाइक आणि सबस्क्राइब' या सिनेमात आयटम साँग केले होते. लिंबू फिरवलं असे या गाण्याचे नाव असून या गाण्याला प्रेक्षकांचा खूप चांगला प्रतिसाद मिळाला. त्यानंतर आता तिचा सोशल मीडियावरील एक व्हिडीओ चर्चेत आला आहे, हा व्हिडीओ पाहून ती सई ताम्हणकर आणि अलका कुबल यांच्यासोबत काम करणार असल्याची चर्चा रंगली आहे.

डान्सर गौतमी पाटील हिचा सोशल मीडियावरील एक व्हिडीओ चर्चेत आला आहे. हा व्हिडीओ पाहिल्यानंतर नेटकरी गौतमी सई ताम्हणकर आणि अलका कुबल यांच्यासोबत काम करताना दिसेल, असा तर्कवितर्क लावत आहेत. खरेतर हा व्हिडीओ एअरपोर्टवरचा वाटतो आहे. यात गौतमी सुरूवातीला अलका कुबल यांच्याशी बोलताना दिसत आहे. त्यानंतर या व्हिडीओत सई ताम्हणकर, संजय खापरे आणि शिव ठाकरेदेखील पाहायला मिळतो आहे. या व्हिडीओत काहीच संभाषण ऐकायला मिळत नाही आहे. 

हा व्हिडीओ गौतमीने शेअर केला असून तिने कॅप्शनमध्ये लिहिले की, खूप छान वाटलं सगळ्यांना भेटून. गौतमीच्या या व्हिडीओला चाहत्यांची पसंती मिळताना दिसते आहे. सर्वजण या व्हिडीओवर लाइक्स आणि कमेंट्सचा वर्षाव करत आहेत. हा व्हिडीओ पाहिल्यानंतर नेटकरी ती अलका कुबल, सई ताम्हणकर, संजय खापरे आणि शिव ठाकरे यांच्यासोबत सिनेमात काम करताना दिसणार का, असे तर्कवितर्क लावत आहेत. त्यामुळे याबाबत गौतमी कधी खुलासा करते, हे पाहणे कमालीचे ठरणार आहे.