एका हाताने गोलंदाजी करणाऱ्या तरुणीची कथा 'घूमर'मध्ये, अभिषेक बच्चन आणि सैयामी खेर मुख्य भूमिकेत
By ऑनलाइन लोकमत | Published: July 31, 2023 07:29 PM2023-07-31T19:29:33+5:302023-07-31T19:29:58+5:30
Ghoomar Movie : बॉलिवूड अभिनेता अभिषेक बच्चनचा बहुप्रतिक्षित चित्रपट 'घूमर'चा टीझर प्रदर्शित झाला आहे. काही सेकंदांच्या या टीझरमध्ये अभिषेक बच्चन प्रशिक्षकाच्या भूमिकेत दिसत आहे तर सैयामी खेर एका हातात चेंडू पकडताना दिसत आहे.
एका हाताने गोलंदाजी करणाऱ्या तरुणीची कथा 'घूमर'मध्ये, अभिषेक बच्चन आणि सैयामी खेर मुख्य भूमिकेत
Next बॉलिवूड अभिनेता अभिषेक बच्चनचा बहुप्रतिक्षित चित्रपट 'घूमर'चा टीझर प्रदर्शित झाला आहे. काही सेकंदांच्या या टीझरमध्ये अभिषेक बच्चन प्रशिक्षकाच्या भूमिकेत दिसत आहे तर सैयामी खेरने हातात चेंडू पकडलेला दिसत आहे. 'घूमर' ही पॅराप्लेजिक खेळाडूची प्रेरणादायी कथा आहे. या चित्रपटाचा टीझर जबरदस्त आहे, जो चाहत्यांच्या पसंतीस उतरला आहे.
चित्रपटाच्या टीझरमधील अभिषेक बच्चनचा लूक खूपच प्रभावी आहे. तर सैयामी महिला क्रिकेटरची भूमिका साकारत आहे. जिला एक हात नाही. टीझरची सुरुवात एका दमदार संवादाने होते, ज्यात म्हटले आहे की, 'तार्किकदृष्ट्या देशासाठी फक्त एका हाताने खेळू शकतो... नाही! पण हे जीवन तर्काचा खेळ नसून जादूचा खेळ आहे.अभिषेक बच्चनने हा टीझर त्याच्या अधिकृत इंस्टाग्रामवर शेअर केला असून कॅप्शनमध्ये लिहिले आहे- 'लेफ्टी आहे? लेफ्टीच आहे….'
या चित्रपटात अभिषेक बच्चन आणि सैयामी खेर यांच्याशिवाय शबाना आझमी देखील दिसणार आहेत. या चित्रपटात अमिताभ बच्चन एका खास भूमिकेत दिसणार आहेत. रिपोर्ट्सनुसार, मेगास्टार अमिताभ या चित्रपटाच्या शेवटच्या शेड्यूलचा भाग असणार आहेत.
'घूमर' हा चित्रपट क्रिकेटभोवती फिरत असून यात बिग बी कमेंटेटरच्या भूमिकेत दिसणार आहेत. या चित्रपटाचे दिग्दर्शन आर बाल्की यांनी केले आहे. याआधी अमिताभ आर बाल्की यांच्या अनेक चित्रपटांमध्ये दिसले आहेत. 'घूमर' चित्रपटाच्या ट्रेलरबद्दल बोलायचे झाले तर, तो ३ दिवसांनी प्रदर्शित होणार आहे. ज्याची घोषणा या टीझरसोबत करण्यात आली आहे.