ग्लोबल स्टार प्रियांका चोप्राची बहुचर्चित वेबसीरिज 'सिटाडेल २' येणार लवकरच!

Priyanka Chopra : पहिल्या सीझनचा शेवटचा एपिसोड आज रिलीज होत असताना, प्रियांकाने अधिकृतरीत्या सिटाडेलचा दुसरा सीझन लवकरच भेटीला येणार असल्याचे सांगितले.

प्रियांका चोप्रा जोनास (Priyanka Chopra Jonas) आणि रिचर्ड मॅडन यांच्या सिटाडेल (Citadel) या वेबसीरिजने २०० देशांमध्ये जागतिक स्तरावर प्रचंड यश मिळवले आहे. यातल्या अनेक दमदार सीन्सने एपिसोडमध्ये अनेक ट्विस्टने प्रेक्षकांना खिळवून ठेवले आहे. प्रेक्षकांनी प्रत्येक एपिसोडनंतर नादिया सिंहच्या भूमिकेत असलेल्या प्रियांकाचे कौतुक केले. सोशल मीडियावर या सीरिजच्या चर्चा होताना दिसतात. पहिल्या सीझनचा शेवटचा एपिसोड आज रिलीज होत असताना, प्रियांकाने अधिकृतरीत्या सिटाडेलचा दुसरा सीझन सुरू असल्याचं सांगितलं.

जो रुसोने प्रत्येक एपिसोडला एक खास वळण कसं दिलं या बद्दल पोस्टमध्ये प्रियांकाने सांगितलं आहे. प्रियांकाने या भूमिकेसाठी खास मेहनत घेतली असून तिला खर्‍या आयुष्यात दुखापतीही झाली. नादियाच्या भूमिकेत योग्यरित्या काम करण्यासाठी प्रियांकाने सहा वेगवेगळ्या भाषांवर प्रभुत्व मिळवले. एका अहवालात असेही म्हटले आहे की Amazon प्राइम व्हिडिओवर प्रियांकाच्या सिटाडेलच्या रिलीजमुळे प्लॅटफॉर्मच्या प्रेक्षकांमध्ये २५% वाढ झाली आहे. जागतिक स्तरावरील सर्वात लोकप्रिय नवीन रिलीजमध्येही या शोने प्रथम क्रमांक पटकावला आहे. सिटाडेल हा एक वेब शो आहे ज्यामध्ये अनेक दक्षिण आशियाई प्रतिभा त्यांच्या क्षमतांचे प्रतिनिधित्व करतात. प्रियांका ही दक्षिण आशियाई कलागुणांना जागतिक स्तरावर पुढे नेण्यासाठी, त्यांना त्यांच्या पात्रतेची ओळख देण्यासाठी खऱ्या अर्थाने अग्रणी आहे.

प्रियंका २०२३ मध्ये अनेक नवीन भूमिका मध्ये दिसणार आहे. मेट गाला लूक, सिटाडेलमधील अॅक्शन, लव्ह अगेनचे यश आणि बरेच अश्या अनेक गोष्टी या वर्षात प्रियांका करत राहणार आहे. सिटाडेल व्यतिरिक्त प्रियांकाकडे राज्यप्रमुख आणि जी ले जरा या आगामी प्रोजेक्टमध्ये दिसणार आहे.