हरभजन बाबा होणार, गीता बसराकडे गुडन्यूज

मुंबई, दि. ११ -  अभिनेत्री गीता बसराकडे गुड न्यूज असल्याचे वृत्त टाईम्स ऑफ इंडियाने दिले आहे. लवकरच हरभजनच्या घरी पाळणा हलणार असल्याचे या जोडप्याच्या जवळच्या सूत्रांनी सांगितले. गीता मूळची लंडनची असून, आज ती तिच्या कुटुंबसोबत लंडनला रवाना होणार आहे. 

 

आयपीएलच्या शुक्रवारी झालेल्या उदघाटन सोहळच्यावेळी गीता गर्भवती असल्याची चर्चा सुरु झाली होती. गीताने परिधान केलेल्या सैलसर पोषाखावरुन ही चर्चा सुरु झाली होती. मागच्यावर्षी नोव्हेंबर महिन्यात गीता आणि हरभजन विवाबबद्ध झाले. त्याआधी दोन ते तीन वर्षांपासून दोघांच्या प्रेम संबंधांची माध्यमांमध्ये चर्चा होती. 

 

हिंदी चित्रपटात कारकीर्द करण्यासाठी लंडनहून आलेल्या गीताने बॉलिवुडमधल्या काही सिनेमांमध्ये काम केले मात्र तिला अपेक्षित यश मिळाले नाही. या दरम्यान तिची हरभजन बरोबर ओळख झाली आणि ओळखीचे रुपांतर प्रेमात झाले. 

 

हरभजन-गीता प्रमाणेच बॉलिवूडमधल्या आणखीं काही सेलिब्रिटींच्या घरी पाळणा हलणार आहे. शाहीद कपूरची पत्नी मीरा राजपूतकडेही गुडन्यूज आहे. रितेश आणि जेनेलिया देशमुख यांच्या घरात दुस-यांदा पाळणा हलणार आहे. या दांम्पत्याचा मुलगा रियान आता दीडवर्षांचा आहे.