बॉक्स आॅफिसवर तगडी फाईट

आमिर खानचा चित्रपट यायचा म्हटले, की बॉक्स आॅफिसलाही धडकी भरते; मग इतरांचे काय? आमिर येणार आहे म्हटले, की सगळे जण जणू शांतपणे त्याच्या जाण्याची प्रतीक्षा करीत बसतात. अर्थात, बॉक्स आॅफिसवर असे चित्र नसेल. कारण यंदाच्या दिवाळीत अक्षयकुमार अन् रजनीकांत हे दोघे आमिर खानला बॉक्स आॅफिसवर तगडी फाईट देणार आहेत. होय, आमिर खानचा ‘सिक्रेट
सुपरस्टार’ हा सिनेमा येत्या दिवाळीत रिलीज होणार आहे. त्यामुळे अक्षयकुमार व रजनीकांत स्टारर ‘2.0’ आणि आमिरचा ‘सिक्रेट सुपरस्टार’ या दोन चित्रपटांचा बॉक्स आॅफिस संघर्ष अटळ मानला जात आहे. दिवाळीच्याच मुहूर्तावर अजय देवगणचा ‘गोलमाल4’ रिलीज होणार होता; पण अक्षयचा बिग बजेट ‘2.0’ रिलीज होणार हे पाहून ‘गोलमाल4’चा दिग्दर्शक रोहित शेट्टीने पाय मागे घेतले. पण, आमिर पाय मागे घेणाऱ्यांपैकी नाहीच. त्यामुळे ही दिवाळी आमिरच्या एंट्रीमुळे कुणाला कशी आणि किती भारी पडते, ते बघणे इंटरेस्टिंग ठरणार आहे. ‘सिक्रेट सुपरस्टार’ हा आमिरच्या होम प्रॉडक्शनचा सिनेमा आहे. यापूर्वी आमिरच्या या सिनेमाच्या रिलीजसाठी ४ आॅगस्टचा मुहूर्त ठरला होता.