'देवाकडे एक मागणं, प्रत्येक जन्मी...', आईच्या वाढदिवसानिमित्त प्रसाद खांडेकरची स्पेशल पोस्ट

प्रसाद खांडेकरने सोशल मीडियावर आईसोबतच काही खास फोटो शेअर केले आहेत.

छोट्या पडद्यावरील 'महाराष्ट्राची हास्यजत्रा' (Maharashtrachi Hasyajatra) शोने रसिकांच्या मनात घर केले आहे. या माध्यमातून अनेक कलाकार घराघरात पोहचले आहेत. यातील अभिनेता प्रसाद खांडेकर (Prasad Khandekar) हा कायमच चर्चेत असतो. नुकतेच प्रसादने त्याच्या आईचा वाढदिवस साजरा केला. आईच्या वाढदिवसानिमित्त प्रसादने एक स्पेशल पोस्ट शेअर केली आहे. जिनं सगळ्यांचं लक्ष वेधून घेतलं आहे.

प्रसाद खांडेकरने सोशल मीडियावर आईसोबतच काही खास फोटो शेअर केले आहेत. कॅप्शन देत त्यानं लिहलं, 'Happy wala birthday आई. तू जे काही केलं आहेस आणि जे काही करते आहेस, त्याची परतफेड ह्या जन्मात काय कोणत्याच जन्मात करू शकत नाही. तुझ्या वाढदिवसाच्या दिवशी सुद्धा देवाकडे माझ्यासाठीच एक मागण मागेन की प्रत्येक जन्मी तुझ्याच पोटी जन्म मिळू दे. I LOVE YOU AAI. माझा आणि आमच्या सगळ्यांचाच तुझ्यावर खुप जीव आहे'.

 प्रसादने आणखी एक पोस्ट शेअर करत आईचा बर्थडे कसा साजरा झाला, याची झलक चाहत्यांना दाखवली. आईचं बड्डे सेलिब्रेशन…आईचा बड्डे आईचा बड्डे आईचा बड्डे…टाणा ना ना ना (कृपया भाईचा बड्डे या चालीवर वाचावं), असं कॅप्शन देत प्रसादने आईच्या वाढदिवसातील खास क्षण चाहत्यांसोबत शेअर केले.  प्रसादने आईसाठी खास केकही आणला होता. आईचा वाढदिवस प्रसादने अगदी दणक्यात साजरा केल्याचं दिसून येत आहे. प्रसादच्या या पोस्टवर चाहत्यांनी त्याच्या आईला भरभरून शुभेच्छा दिल्या आहेत.

विनोदाची डबल डेकर अशी ओळख मिळवणारा प्रसाद उत्तम नट आहे. प्रसाद खांडेकरचा चाहता वर्गही प्रचंड मोठा आहे. तो सोशल मीडियावरही प्रचंड सक्रिय असतो. नवीन प्रोजेक्टची माहिती तो चाहत्यांना पोस्टद्वारे देत असतो. प्रसादने अनेक नाटकांचं दिग्दर्शनही केलं आहे. हास्यजत्रेतील अनेक स्किटचं प्रसाद लेखन आणि दिग्दर्शन करतो. प्रसादच्या आगामी प्रोजेक्टची चाहत्यांना आता उत्सुकता आहे.