शानदार, जबरदस्त ! 'Avatar 2'ची बॉक्स ऑफिसवर छप्परफाड कमाई, ३ दिवसांत कमावले १५० कोटी

कोरोना महामारीनंतर इतकी जबरदस्त कमाई करणारा ‘अवतार 2’ हा पहिला चित्रपट ठरला आहे.

James Cameron Avatar Sequals: प्रसिद्ध हॉलिवूड चित्रपट 'अवतार'चा सीक्वल 'अवतार द वे ऑफ वॉटर' (Avatar: The Way of Water) आज 16 डिसेंबर रोजी रिलीज झाला आहे. चाहते या चित्रपटाची अनेक वर्षांपासून वाट पाहत होते. अखेर 13 वर्षानंतर दिग्दर्शक जेम्स कॅमरुन (James Cameron) यांनी चित्रपटाचा दुसरा पार्ट आणला आहे. जवळपास २१०० कोटी रुपयांच्या मोठ्या बजेटमध्ये बनलेला 'अवतार: द वे ऑफ वॉटर'नं भारतात  बॉक्स ऑफिसवर धुमाकूळ घालत छप्परफाड कमाई केली होती. ‘अवतार 2’ चं तीन दिवसांचं कलेक्शन समोर आलं आहे. 

दिग्दर्शक जेम्स कॅमरुन यांच्या अवतार २ नं भारतात पहिल्या तीन दिवसांत जबरदस्त कमाई केली आहे. अवतार २ नं रिलीजच्या पहिल्याच दिवशी भारतीय बॉक्स ऑफिसवर ४१ कोटींची कमाई केली. दुसऱ्या दिवशी कमाईचा हा आकडा ४५ कोटींवर पोहोचला. रविवारीच्या कमाईचा आकडा यात जोडून ३ दिवसांचं कलेक्शन १३३ कोटींपेक्षा जवळपास पोहोचलं आहे.  

 फक्त तिकिटांच्या बाबत बोलायंच झालं तर 'अवतार २'नं पहिल्या दोन दिवसांत १०० कोटींचा आकडा पार केला आहे.  रविवारीचं बॉक्स ऑफिस कलेक्शनच्या रिपोर्टनुसार चित्रपटानं  पहिल्याचं विकेंडमध्ये १५० कोटींचा आकडा पार केला आहे. 

जगभरातील बॉक्स ऑफिसबद्दल बोलायचे झाल्यास, 'अवतार 2' चं कलेक्शन पहिल्या वीकेंडमध्ये 450 मिलियन डॉलरच्या जवळपास जाणार आहे. कोरोना महामारीनंतर पहिल्याच दिवशी जबरदस्त कमाई करणारा ‘अवतार 2’ हा पहिला चित्रपट ठरला आहे. 

आणखीही पार्ट येणार...
‘अवतार 2’ रिलीज झालाये. त्याचबरोबर ‘अवतार 3’ चं शूटिंगही जवळपास संपलं आहे. ‘अवतार 3’ साठी 20 डिसेंबर 2024 चा स्लॉट निश्चित करण्यात आला आहे. यानंतर ‘अवतार 4’  डिसेंबर 2026 आणि ‘अवतार 5’  डिसेंबर 2028 ला रिलीज होणे अपेक्षित आहे.