बॉलिवूड गाजवल्यानंतर जॅकलिन फर्नांडिसची हॉलिवूडमध्ये एन्ट्री? प्रसिद्ध अभिनेत्याबरोबरचा 'तो' फोटो व्हायरल

बॉलिवूड गाजवल्यानंतर आता जॅकलिन हॉलिवूडमध्ये एन्ट्री करणार असल्याची चर्चा रंगली आहे.

जॅकलिन फर्नांडिस ही बॉलिवूडमधील प्रसिद्ध अभिनेत्री आहे. मुळची श्रीलंकन असलेल्या जॅकलिनने मेहनत आणि अभिनयाच्या जोरावर बॉलिवूडमध्ये जम बसवला. तिने २००९ साली अलादिन चित्रपटातून बॉलिवूडमध्ये पदार्पण केलं. त्यानंतर 'राज ३', 'डॉन ३', 'ब्रदर्स', 'हाउसफूल', 'बच्चन पांडे',' ए फ्लाइंग जेट', 'ढिशूम' अशा अनेक सुपरहिट चित्रपटांत जॅकलिन महत्त्वपूर्ण भूमिका साकारताना दिसली. बॉलिवूड गाजवल्यानंतर आता जॅकलिन हॉलिवूडमध्ये एन्ट्री करणार असल्याची चर्चा रंगली आहे.

हॉलिवूड अभिनेता जीन-क्लाउड वैन डॅमने जॅकलिनबरोबरचा एक फोटो त्याच्या इन्स्टाग्राम अकाऊंटवरुन फोटो शेअर केला आहे. जॅकलिनचा हा फोटो सोशल मीडियावर प्रचंड व्हायरल झाला आहे. या फोटोला त्याने "इटलीमध्ये मजा करतोय...गेस करा", असं कॅप्शन दिलं  आहे. या फोटोमुळे जॅकलिन हॉलिवूडमध्ये एन्ट्री करणार असल्याच्या चर्चांना उधाण आलं आहे. जॅकलिनला खरंच हॉलिवूड चित्रपट मिळालाय का? असा प्रश्नही चाहते या पोस्टवर कमेंट करुन विचारत आहेत. बॉलिवूड अभिनेता वरुण धवननेही या फोटोवर कमेंट केली आहे. 

दरम्यान, जॅकलिन 'वेलकम ३'मधून प्रेक्षकांच्या भेटीला येणार आहे. जॅकलिन मनी लॉड्रिंग प्रकरणातील आरोपी सुकेश चंद्रशेखरमुळे कायमच चर्चेत असते. सुकेश आणि जॅकलिनचे प्रेमसंबंध असल्याचं उघड झालं होतं. सुकेशने तिला अनेक महागडे गिफ्टही दिले होते. आताही तुरुंगातून सुकेश जॅकलिनला लव्ह लेटर लिहून तिच्यावरील प्रेम व्यक्त करत असतो.