मायकल जॅक्सनची मुलगी पेरिस जॅक्सन अभिनय क्षेत्रात अजमावणार नशीब

द�

��वंगत पॉप स्टार मायकल जॅक्सन याची मुलगी पेरिस जॅक्सन अभिनय क्षेत्रात नशीब अजमावण्यास सज्ज झाली आहे. पेरिस नवी टीव्ही मालिका ‘स्टार’मध्ये एक भूमिका साकारणार आहे. या मालिकेचे दिग्दर्शन डेनियल्स हे करणार असून, पेरिसच्या डेब्यूच्या बातमीलाही त्यांनीच दुजोरा दिला आहे. 

डेनियल्सने इन्स्टाग्रामवर पेरिससोबतचा एक फोटो शेअर केला आहे. ज्याच्या कॅप्शनमध्ये लिहले की, जेव्हा पेरिस तुमची मुलाखत घेण्यासाठी येत असते तेव्हा तिच्यासोबत जणू काही गप्पांचा फडच रंगतो. टीएमजेड डॉट कॉम या वेबसाइटने दिलेल्या माहितीनुसार, पेरिस डेनियल्सच्या प्रस्तावावर गंभीरपणे विचार करीत आहेत. 

पेरिसला आतापर्यंत बºयाचशा मॉडलिंग एजन्सीकडूनही प्रस्ताव आलेले आहेत. तसेच तिचे तीन फोटो मनोरंजन विश्वातील तीन साप्ताहिकांच्या मुखपृष्ठांवरही प्रसिद्ध करण्यात आले आहेत. याव्यतिरिक्त ती बºयाचशा ब्रॅण्डच्या जाहिरातींमध्येही झळकलेली आहे. त्यामुळे आगामी काळात पेरिस स्टार या मालिकेत झळकण्याची दाट शक्यता वर्तविली जात आहे. 



सूत्रांनी दिलेल्या माहितीनुसार पेरिसही अभिनय क्षेत्रात नशीब अजमावण्यास उत्सुक असून, ती डेनियल्सच्या प्रस्तावाचा विचार करीत आहे. त्याचबरोबर लवकरच ती याविषयी घोषणाही करण्याची शक्यता आहे. पेरिसला पॉप संगीताचेही प्रचंड आकर्षण आहे. परंतु अभिनयाविषयी ती गंभीर असल्याने लवकरच ती अभिनय करताना तिच्या फॅन्सला बघावयास मिळू शकते. 

दरम्यान, पेरिसची ग्लॅमरस लाइफ नेहमीच चर्चेत राहिली असून, अभिनयासाठी ती चांगली कलाकार ठरू शकते असे जाणकारांनी तिच्याप्रती निरीक्षण नोंदविले आहे. आता ती पडद्यावरही झळकणार असल्याने आगामी काळात ती हॉलिवूडपटांच्या प्रोजेक्टविषयी विचार करू शकते, अशी माहिती समोर येत आहे.