Twilight फेम अभिनेता रॉबर्ट पॅटिन्सन बाबा होणार, गर्लफ्रेंडने केली प्रेग्नंसीची घोषणा

रॉबर्ट पॅटिन्सन आणि सूकी वॉटरहाऊस ५ वर्षांपासून एकमेकांना डेट करत आहेत.

हॉलिवूड अभिनेता रॉबर्ट पॅटिन्सनला (Robert Pattinson) 'ट्वायलाईट' (Twilight) मधून लोकप्रियता मिळाली. मोस्ट हँडसम अभिनेत्यांच्या लिस्टमध्ये त्याचं नाव कायम घेतलं जातं. रॉबर्ट आणि त्याची गर्लफ्रेंड सूकी वॉटरहाऊस (Suki Waterhouse) लवकरच आई बाबा होणार आहेत. सूकी प्रेग्नंट असल्याचं तिने नुकतंच कोरोना कॅपिटल फेस्टिव्हलमध्ये सांगितलं. तसंच यावेळी तिचा बेबी बंपही दिसत होता. 

रॉबर्ट पॅटिन्सन आणि सूकी वॉटरहाऊस ५ वर्षांपासून एकमेकांना डेट करत आहेत. सूकी गायिका असून स्टेज परफॉर्मन्सवेळीच तिने बेबी बंप दाखवत प्रेग्नंसीची घोषणा केली. यामुळे चाहते खूपच खूश झालेले पाहायला मिळाले. सूकीही तिचा प्रेग्नंसी पिरियड एन्जॉय करताना दिसत आहे. 

pic.twitter.com/HQJfFmE08E

— @bestsukiw (@sukiwmedia) November 19, 2023

सूकी वॉटरहाऊस आणि रॉबर्ट यांनी अद्याप लग्न केलेलं नाही. तसंच ते इतक्यात लग्न करण्याच्या विचारातही नाहीत. दोघंही लिव्ह इनमध्ये राहत असून एकमेकांसोबत वेळ घालवताना दिसत आहेत. तसंच एकमेकांवर लग्नासाठी दबावही देऊ इच्छित नाहीत. 

रॉबर्ट पॅटिन्सनच्या वर्कफ्रंटबद्दल सांगायचं तर त्याला बॅटमॅनच्या भूमिकेत पाहण्यासाठी चाहते आतुर आहेत. २०२५ मध्ये बॅटमॅन पार्ट 2 रिलीज होणार आहे. यासाठी रॉबर्टने खूप मेहनत घेतली आहे.