Vikram Vedha : हृतिकचे चाहते सुपर एक्साइटेड, ‘विक्रम वेधा’च्या अ‍ॅडव्हान्स बुकिंगला जबरदस्त प्रतिसाद, रिलीजआधीच इतकी कमाई

Vikram Vedha Advance Booking: हृतिक रोशन आणि सैफ अली खानच्या ‘विक्रम वेधा’ या सिनेमाची प्रेक्षक आतुरतेने प्रतीक्षा करत आहेत. येत्या 30 सप्टेंबरला हा सिनेमा चित्रपटगृहांत धडकणार आहे आणि त्याआधी चाहत्यांमध्ये जबरदस्त क्रेझ पाहायला मिळतेय.

Vikram Vedha Advance Booking:  हृतिक रोशन (Hrithik Roshan )आणि सैफ अली खानच्या ( Saif Ali Khan) ‘विक्रम वेधा’ या सिनेमाची प्रेक्षक आतुरतेने प्रतीक्षा करत आहेत. येत्या 30 सप्टेंबरला हा सिनेमा चित्रपटगृहांत धडकणार आहे आणि त्याआधी चाहत्यांमध्ये जबरदस्त क्रेझ पाहायला मिळतेय. सिनेमाचं अ‍ॅडव्हान्स बुकिंग सुरू झालं आहे आणि त्याला उत्स्फूर्त प्रतिसाद मिळताना दिसतोय.

View this post on Instagram

A post shared by Hrithik Roshan (@hrithikroshan)

‘विक्रम वेधा’चा पॉवर पॅक्ड ट्रेलर पाहिल्यानंतर प्रेक्षक चित्रपट पाहण्यास सुपर एक्साइटेड दिसत आहेत. रिपोर्टनुसार, सुमारे 1250  मल्टिप्लेक्समध्ये या सिनेमाच्या तिकिटांची अ‍ॅडव्हान्स बुकिंग सुरू झाली आहे. Sacnilk  या पोर्टलने दिलेल्या वृत्तानुसार, रिलीजआधीच या चित्रपटाने 17 लाखांवर कमाई केली आहे. आत्तापर्यंत सुमारे 4700 पेक्षा अधिक तिकिटं विकली गेली आहेत. ‘विक्रम वेधा’ने पहिल्या काहीच तासांत 8.78 लाखांची कमाई केली. अद्यापही चित्रपट रिलीज व्हायला पाच दिवसांचा अवकाश असल्याने अ‍ॅडव्हान्स बुकिंगमधून ‘विक्रम वेधा’ बक्कळ कमाई करणार, असा अंदाज जाणकार व्यक्त करत आहेत.
मुंबई, रायपूर आणि पुण्यात चित्रपटाला तुफान प्रतिसाद मिळतोय. अ‍ॅडव्हान्स बुकिंगचे आकडे व प्रतिसाद बघता, पहिल्या वीकेंडमध्ये ‘विक्रम वेधा’ 120 कोटींची कमाई करेल, असा अंदाज आहे.

‘विक्रम वेधा’ हा सिनेमा तामिळ चित्रपटाचा हिंदी रिमेक आहे. 2017 मध्ये या चित्रपटाचं तामिळ व्हर्जन रिलीज झालं होतं. या ओरिजनल सिनेमात आर. माधवन व विजय सेतुपती लीड रोलमध्ये होते. तामिळ सिनेमा पुष्कर-गायत्री यांनी दिग्दर्शित केला होता. हिंदी रिमेकही पुष्कर-गायत्री यांनीच दिग्दर्शित केला आहे. या अ‍ॅक्शन थ्रीलर सिनेमात सैफ अली खान विक्रम नावाच्या दबंग पोलिस अधिकाऱ्याच्या भूमिकेत आहे. तर हृतिक रोशन वेधा नावाच्या गँगस्टरच्या भूमिकेत झळकणार आहे.

हृतिकच्या गर्लफ्रेन्डची पोस्ट
‘विक्रम वेधा’ पाहायला हृतिकची गर्लफ्रेन्ड सबा आझाद ही सुद्धा  उत्सुक आहे. सिनेमाच्या प्रदर्शनाची तारीख जवळ येते आहे म्हटल्यावर सबाने एक पोस्ट शेअर केली आहे. चित्रपटातील हृतिकचा संवाद पोस्ट करत, आता प्रतीक्षा करू शकत नाही, असं तिने लिहिलं आहे. हृतिक गेल्या काही दिवसांपासून पर्सनल लाईफमुळे चर्चेत आहे. सध्या तो सबाला डेट करत आहे.