कंगना राणौत करतेय लग्न? अभिनेत्रीनं निमंत्रण पत्रिका वाटून बोलावलं पापाराझींना

Kangana Ranaut : कंगना राणौतचा सोशल मीडियावर एक व्हिडीओ व्हायरल होताना दिसत आहे. या व्हिडीओत ती लग्नाची निमंत्रण पत्रिका वाटताना दिसते आहे.

बॉलिवूडची क्वीन कंगना राणौत (Kangana Ranaut) तिच्या स्पष्टवक्ते शैली आणि वक्तव्यांमुळे नेहमीच चर्चेत असते. नुकतेच कंगनाने करण जोहरच्या 'रामायण' चित्रपटाच्या कास्टिंगवर टीका केली. कंगनाने रणबीर कपूरला दुर्योधन आणि करण जोहर शकुनी मामा म्हटले. कंगनाच्या या वक्तव्यानंतर बराच गदारोळ झाला होता. आता कंगना राणौतबद्दल एक मोठी बातमी समोर येत आहे. नुकताच या अभिनेत्रीचा एक व्हिडिओ इंटरनेटवर मोठ्या प्रमाणात व्हायरल होत आहे, या व्हिडिओमध्ये कंगना तिच्या लग्नाची पत्रिका पापाराझींना वाटताना दिसत आहे.

कंगना राणौतचा हा व्हिडिओ विरल भयानी या सेलिब्रिटी फॅन पेजवर शेअर करण्यात आला आहे. कंगना राणौतच्या ऑफिसबाहेर मीडियाची गर्दी असल्याचे या व्हिडिओत पाहायला मिळत आहे. एक रिपोर्टर बोलत आहे, "जसे तुम्ही पाहू शकता की कंगना रणौतचे ऑफिस वधूसारखे सजले आहे, त्यामुळे कंगना राणौतचे अखेर लग्न होणार आहे हे खरे आहे का?" तेव्हाच कंगना रणौत मागून एका कारमध्ये एन्ट्री घेते, जेव्हा मीडियाने कंगनाला विचारले की लग्नाची गोष्ट खरी आहे का, तेव्हा अभिनेत्रीने मीडियाला लग्नाची पत्रिका दिली आणि म्हणाली, "तुम्ही बातमी पसरवता, मी फक्त खुशखबर देते. तुम्ही सगळे नक्की या.

View this post on Instagram

A post shared by Viral Bhayani (@viralbhayani)

कंगना रणौतने मीडियाला जी लग्नपत्रिका दिली त्यावर 'टिकू वेड्स शेरू' लिहिलेले होते. या व्हिडिओच्या माध्यमातून कंगना राणौत तिच्या प्रोडक्शन हाऊसमध्ये बनत असलेल्या 'टिकू वेड्स शेरू' या चित्रपटाचे प्रमोशन करत होती. अवनीत कौर आणि नवाजुद्दीन सिद्दीकी स्टारर चित्रपट टिकू वेड्स शेरूचे दिग्दर्शन साई कबीर यांनी केले आहे, तर चित्रपटाची निर्मिती कंगना राणौतने केली आहे. हा चित्रपट २३ जून रोजी OTT प्लॅटफॉर्मवर प्रदर्शित होणार आहे. कंगना रणौत या चित्रपटासाठी खूप उत्सुक आहे. या चित्रपटात अविनात कौर आणि नवाजुद्दीन सिद्दीकी यांची जोडी पहिल्यांदाच मोठ्या पडद्यावर दिसणार आहे.