'धमाल 4' येणार का? जावेद जाफरींनं दिलं मोठं अपडेट, म्हणाला...

 'धमाल' फ्रँचाइजीमधील चौथा चित्रपट 'धमाल 4' बद्दल अपडेट समोर आलं आहे.

Javed Jaffrey on Dhamaal 4 : एखादा चित्रपट हिट झाला की प्रेक्षकांना तो पुन्हा पुन्हा पाहायचा असतो. याचा फायदा घेत निर्माते लगेचच सिक्वेल बनवतात. अनेक वेळा सिक्वेल हिट झाला तरी त्याच चित्रपटाचा भाग ३ बनवायला निर्माते चुकत नाहीत. असाच कॉमेडीचा डबल डोस असलेल्या 'धमाल' सिनेमाचे आतापर्यंत तिन भाग आले आहेत. आता  'धमाल' फ्रँचाइजीमधील चौथा चित्रपट 'धमाल 4' बद्दल अपडेट समोर आलं आहे.

'धमाल'मधील मानव म्हणजेच अभिनेता जावेद जाफरीने चाहत्यांना एक मोठी खुशखबर दिली आहे. एएनआयशी बोलताना जावेदने 'धमाल 4' च्या शूटिंगबाबत अपडेट दिलं आहे. जावेद म्हणाला, "धमाल 4' नक्की येईल. आम्ही सर्वजण त्याच्या तयारीत व्यस्त आहोत. पुढील वर्षाच्या सुरुवातीला त्याचे शूटिंग सुरू होण्याची शक्यता आहे. जग खूप वेगाने बदलत आहे, त्यानुसार सिनेमाही बदलत आहे. 60 आणि 70 च्या दशकात चित्रपटांमध्ये वेगळ्या प्रकारची कॉमेडी पाहायला मिळत होती, जी आता पूर्णपणे बदलली आहे. आशा आहे की 'धमाल 4' प्रेक्षकांचं मनोरंजन करण्यात यशस्वी ठरेल".

रिपोर्टनुसार, 'धमाल 4' हा 2026 मध्ये प्रदर्शित होऊ शकतो. दिग्दर्शक इंदर कुमार यांच्या दिग्दर्शनाखाली 2007 मध्ये 'धमाल' प्रदर्शित झाला होता. यानंतर 2011 मध्ये धमालचा सिक्वेल आला.  ज्याचे नाव होते 'डबल धमाल'. या चित्रपटाने देखील बॉक्स ऑफिसवर प्रचंड धुमाकूळ घातला होता. हा चित्रपट देखील खूप हिट ठरला.  यानंतर धमालचा तिसरा भाग 'टोटल धमाल' हा 2019 मध्ये आला होता. ज्यामध्ये अजय देवगण, माधुरी दीक्षित आणि अनिल कपूर सारखे कलाकार होते. आता  'धमाल 4'मध्ये कोण कोण असेल, हे जाणून घेण्यासाठी चाहते उत्सुक आहेत.