Jr NTRचा परदेशातही बोलबाला! एक झलक पाहण्यासाठी लॉस अँजेलिसच्या थिएटरबाहेर तुफान गर्दी, व्हिडीओ व्हायरल

लॉस अँजेलिसच्या थिएटरबाहेर ज्युनियर एनटीआरच्या चाहत्यांनी त्याला गराडा घातला. सध्या हा व्हिडीओ चांगलाच व्हायरल होतोय.

आरआरआर फेम ज्युनियर एनटीआरचे सर्वांनाच वेड लागले आहे. दक्षिणेत या अभिनेत्याचं मोठे फॅन फॉलोईंग आहे. आता आरआरआरनंतर बॉलीवूडमध्येही त्याची मोहिनी पाहायला मिळत आहे. ज्युनियर एनटीआरची लोकप्रियता केवळ देशातच नाही तर जगभरात दिसून आली आहे. खरं तर, लॉस अँजेलिसमधील प्रसिद्ध चीनी थिएटरमध्ये चाहत्यांनी अभिनेत्याचे जोरदार स्वागत केले. पण चाहत्यांची संख्या एवढी वाढली की अभिनेत्याला घेरले. त्याचा व्हिडिओ सोशल मीडियावर व्हायरल होत आहे.

चाहत्यांच्या गराड्यात ज्युनियर एनटीआर
ज्युनियर एनटीआर आणि टीम आरआरआर गोल्डन ग्लोबसाठी लॉस एंजेलिसमध्ये उपस्थित आहेत. जिथे त्याच्या चित्रपटाला दोन पुरस्कारांसाठी नामांकन मिळाले आहे. यामुळे तो नुकताच एका थिएटरमध्ये पोहोचला होता. जिथे त्याच्या चाहत्यांची गर्दी पाहायला मिळत आहे. इतकंच नाही तर व्हिडिओमध्ये कलाकारांना चाहत्यांनी घेरले आहे.  अभिनेत्याने चाहत्यांसोबत एकामागून एक फोटो क्लिक करताना दिसत आहे.

80 वा गोल्डन ग्लोब पुरस्कार 11 जानेवारी रोजी संपन्न होणार आहेत, ज्यात RRRची निवड सर्वोत्कृष्ट परदेशी चित्रपटासाठी करण्यात आली आहे आणि चित्रपटाचा ट्रॅक नातू नातू सर्वोत्कृष्ट मूळ गाण्यासाठी निवडण्यात आला आहे.  या गाण्यात रामचरण आणि ज्युनियर एनटीआर डान्स करताना दिसत आहेत.