अजय देवगणच्या 'ह्या' गाण्यावर थिरकणार काजोल

बॉलिवूडचा सिंघम अजय देवगण व तब्बू यांचा 1994 साली प्रदर्शित झालेला चित्रपट 'विजयपथ'मधील 'रुक रुक रुक अरे बाबा रुक...' हे गाणे नव्याने पाहायला मिळणार आहे.

ठळक मुद्दे 'हेलिकॉप्टर ईला' 12 ऑक्टोबरला होणार प्रदर्शित काजोल सिंगल मदरच्या भूमिकेत

बॉलिवूडचा सिंघम अजय देवगण व अभिनेत्री तब्बू यांचा 1994 साली 'विजयपथ' हा चित्रपट प्रदर्शित झाला होता. या चित्रपटातील 'रुक-रुक रुक अरे बाबा रुक' हे गाणे लोकप्रिय झाले होते. आता हे गाणे नव्याने सादर होणार आहे. या गाण्यावर अभिनेत्री काजोल थिरकताना दिसणार आहे.

बॉलिवूडमधील लोकप्रिय जोड्यांपैकी काजोल व अजय देवगण ही जोडी प्रेक्षकांना खूप आवडते. या दोघांच्या चित्रपटातील केमिस्ट्री प्रेक्षकांना खूप भावली. यावेळी ते दोघे निर्माता आणि अभिनेत्रीच्या रुपात एकत्र काम करत आहेत. काजोलचा आगामी चित्रपट 'हेलिकॉप्टर ईला' 12 ऑक्टोबरला प्रदर्शित होणार आहे. या सिनेमाची निर्मिती अजय देवगणने केली आहे. या चित्रपटात काजोल सिंगल मदरच्या भूमिकेत दिसणार आहे. जी आपल्या मुलाबाबत खूप सेन्सिटिव्ह असते. या चित्रपटातील 
रिलीज झालेली गाणी चांगलीच चर्चेत आहेत. या चित्रपटातील आणखीन एक गाणे अद्याप प्रदर्शित झालेले नाही. या गाण्याची वाट प्रेक्षक उत्सुकतेने पाहत आहेत. यात अजय देवगण व तब्बू यांचा 1994 साली प्रदर्शित झालेला चित्रपट विजयपथमधील रुक रुक रुक अरे बाबा रुक हे गाणे नव्याने पाहायला मिळणार आहे. या गाण्यावर काजोल परफॉर्म करताना दिसणार आहे. या गाण्याला संगीत राघव सच्चर यांनी दिले आहे व पालोमी घोषने स्वरसाज दिला आहे. हे गाणे 25 सप्टेंबरला प्रदर्शित होणार आहे.
'हेलिकॉप्टर ईला' चित्रपटात काजोलने ईलाची भूमिका साकारली आहे. तिला गाणे गाण्याची आवड असते. मात्र मुलाच्या जबाबदाऱ्यांमुळे ती आपल्या आवडीकडे दुर्लक्ष करते. तिला आपल्या मुलाचे संगोपन खूप चांगले करायचे असते. त्यामुळे नेहमी त्याच्यासोबत राहून ती त्याच्या प्रत्येक गोष्टीकडे लक्ष देत असते, असे या सिनेमात दाखवण्यात आले आहे.