कंगना राणौतने चाहत्यांना दिली खुशखबर, 'तनु वेड्स मनु ३'चं लवकरच सुरू होणार शूटिंग

Kangana Ranaut : कंगना राणौतचा 'तेजस' चित्रपट नुकताच भेटीला आला आहे. कंगना सध्या तिच्या चित्रपटाच्या प्रमोशनमध्ये व्यस्त आहे.

कंगना राणौत(Kangana Ranaut)चा 'तेजस' चित्रपट नुकताच भेटीला आला आहे. कंगना सध्या तिच्या चित्रपटाच्या प्रमोशनमध्ये व्यस्त आहे. कंगना सतत सार्वजनिक ठिकाणी दिसते आणि चित्रपटासंदर्भात मुलाखतही देत ​​असते. कंगनाने IMDb शी केलेल्या संभाषणात सांगितले की, ती लवकरच तिच्या 'तनु वेड्स मनू' फ्रँचायझीच्या तिसर्‍या चित्रपटाचे शूटिंग सुरू करणार आहे.

'तेजस' संदर्भात आयएमडीबीशी केलेल्या मुलाखतीत कंगनाने तिच्या सर्वोत्कृष्ट चित्रपट आणि आवडत्या चित्रपटांबद्दल सांगितले. कंगनाला विचारण्यात आले की ती पुढील कोणत्या चित्रपटाची तयारी करणार आहे. याला उत्तर देताना अभिनेत्री म्हणाली की ती तिच्या आगामी 'नोटी बिनोदिनी' या चित्रपटात विजय सेतुपतीसोबत दिसणार आहे. कंगनाने तिच्या 'क्वीन' चित्रपटाविषयी सांगितले की, हा तिच्या करिअरमधील सर्वोत्तम चित्रपट होता ज्याने तिच्या करिअरला नवा आयाम दिला.

'तनु वेड्स मनू ३' या चित्रपटाचे शूटिंग सुरू करणार

कंगनाने तिच्या पुढच्या प्रोजेक्टबद्दल बोलताना सांगितले की ती पुढच्या 'तनु वेड्स मनू ३' या चित्रपटाचे शूटिंग सुरू करणार आहे. कंगना म्हणाली की, 'तनु वेड्स मनू' हा तिच्यासाठी पिकनिकसारखा चित्रपट होता. आनंद एल. रॉय दिग्दर्शित या चित्रपटाला तिचा आवडता चित्रपट असल्याचे सांगून ती म्हणाली की लवकरच या चित्रपटाच्या तिसऱ्या भागावर काम सुरू करणार आहे.

माधवन म्हणाला- मूळ गोष्टी समोर येणे खूप अवघड आहे
'तनु वेड्स मनू' हा २०११ साली प्रदर्शित झालेला चित्रपट आहे ज्यामध्ये आर माधवन कंगनासोबत मुख्य भूमिकेत दिसला होता. दोघांची जोडी आणि केमिस्ट्री इतकी हिट झाली की २०१५ मध्ये 'तनु वेड्स मनु रिटर्न्स' देखील बनला आणि लोकांना तो खूप आवडला. मात्र, इथे आठवण करून देऊया की, गेल्या वर्षी या चित्रपटाच्या तिसऱ्या फ्रँचायझीबाबत एका मुलाखतीत आर माधवनला विचारण्यात आले होते की, तो पुन्हा मनूच्या भूमिकेत पडद्यावर दिसणार का? त्याने उत्तर दिले की मूळ गोष्टी आणणे खूप कठीण आहे आणि लोकांना चित्रपटाकडून अपेक्षा आहेत.